DANIEL 11:21 - Khasi CL Bible (BSI)

²¹ U angel u la bteng ban batai: “U syiem uba bud jong ka Syria un long u briew uba sniew u bym don ka hok ban long syiem, hynrei un wan khlem khmih lynti bad un knieh ïa ka bor da ka buit shukor.

KA BAIBL

²¹ Te ha ka jaka jong u, un mih u briew uba khlem burom, ha uba kim shym la ai ka burom ka hima: hynrei, un wan ha ka por basuk, bad un ïoh ïa ka hima da ki jingkren arsap.

DANIEL 11:21 ပူးပေါင်းရင်းမြစ်များ

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

ISAÏAH 32:5

Yn ym don u ban pyrkhat ba uba bieit u long uba donburom lane ban ong ba u riewshukor u long uba hok.

DANIEL 11:20

“Yn bud ïa u da uwei pat u syiem, u ban phah ïa u rangbah pynïaidkam ban banbeiñ ïa ki briew da ki khajna na ka bynta ban pynroi ïa ka spah jong ka hima jong u. Tang khyndiat por ïa uta u syiem yn pynïap, hynrei ym ha kaba paw bad ym ha ka thma.”

DANIEL 11:32

Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

DANIEL 11:34

Katba dang don ka jingpynïap, ki briew jong U Blei kin ïoh khyndiat ka jingïarap, wat la kiba bun kiba ïasoh bad ki kin leh kumta na ka bynta ki daw shimet.

DANIEL 11:7

Shen hadien kata, uwei na ki ba-ha-ïing jong ka un long syiem. Un tur ïaleh ïa ka kynhun shipai jong u syiem Syria, un rung shapoh ki kut jong ki, bad jop ïa ki.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

DANIEL 8:23

“Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

DANIEL 8:9

Na kawei na kine ki saw tylli ki reng la mih kawei ka reng barit, kaba ka bor jong ka, ka ïar shaphang shathie bad sha mihngi bad sha ka Ri ka Jingkular.

NAHUM 1:14

Kane ka long kaei kaba U Trai u la rai shaphang ki nong Assyria: “Kin ym don kino kino kiba hiarpateng ki ban bah ïa ka kyrteng jong ki. Ngan pynjot ïa ki bleithaw kiba don hapoh ka templ jong ki blei jong ki. Nga pynkhreh ka jingtep ïa ki nong Assyria — kim don hok ban im!”

1 SAMUEL 3:13

Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.