DANIEL 11:2 - Khasi CL Bible (BSI)

² Bad kaei kaba ngan ïathuh ïa me ka long kaba shisha.” U angel u la ong, “Sa lai ngut ki syiem kin synshar halor ka Persia, yn bud sa uba saw, u ban kham riewspah ban ïa baroh kiwei pat. Haba u la khlaiñbor bha bad riewspah eh un kob ïa ka hima Gris.

KA BAIBL

² “Te mynta, ngan pyni ha me ïa ka jingshisha. Ha khmih, sa lai ngut shuh ki syiem kin mih ha Persha; bad u basaw un long uba kham riewspah shibun ïa kita baroh: bad haba u la man khlaiñ da ki spah jong u, un pynkhih ïa baroh pyrshah ïa ka hima Gris.

DANIEL 11:2 ပူးပေါင်းရင်းမြစ်များ

ESRA 4:24

Ïa ka jingpyntrei ïa ka Templ la lah pynsangeh noh bad ka la sahkut khlem pyntrei shuh haduh ka snem ba ar jong ka jingsynshar u Darius, u patsha ka Persia.

ESRA 4:7

Ha ka por ka jingsynshar u Artakserksis, u patsha ka Persia, u Bishlam, u Mithredath, u Tabeel bad ki paralok jong ki, ki thoh shithi sha u patsha. Ïa ka shithi la thoh ha ka ktien Aramaik bad ban pynkylla ktien ha ka por ba pule ïa ka.

ESTHER 1:1

Na ka khet syiem ha ka nongbah Susa jong ka Persia, u syiem Serksis u synshar halor ki shispah arphew hynñiew tylli ki jylla, naduh India haduh Sudan.

PROBERB 22:21

bad kin hikai ïa phi kaei ka jingshisha ka long. Nangta haba la phah ïa phi ban shem ïa ka, phin wanrah ïa ka jubab kaba dei.

DANIEL 10:1

(Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 11:25

“Un pynmih da ka jingshlur ïa ka kynhun shipai bakhraw ban tur ïaleh ïa u syiem ka Ijipt, u ban pynkhreh ban ïaleh pyrshah da ka kynhun shipai babun bad bakhrawbor. Hynrei ïa u syiem ka Ijipt yn shukor bad un ym jop.

DANIEL 7:5

U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

DANIEL 8:21

U 'langsohmoh u ïeng na ka bynta ka hima Gris, bad ka reng kaba paw bha hapdeng ki khmat jong u ka dei u syiem banyngkong.

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

DANIEL 8:4

Nga la khmih ïa u langbrot ba u tynrah da ki reng jong u sha sepngi, shatei, bad shathie. Ym don uno uno u mrad uba lah ban pynsangeh ïa u lane lait phet na ka bor jong u. U la leh katba u sngewbha bad u la nang sngewmeng.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”