DANIEL 11:18 - Khasi CL Bible (BSI)

¹⁸ Hadien kata un tur ïaleh ïa ki hima kiba harud duriaw bad u jop ïa kiba bun na ki. Hynrei u nongïalam nongwei un jop ïa u bad un pynkut ïa ka jinglehmeng jong u; da shisha un pynphai pat ïa ka jinglehmeng jong u syiem ka Syria sha u.

KA BAIBL

¹⁸ Hadien kane un phai la ka khmat sha kita ki 'dewlynnong, bad un jop ïa shibun: hynrei, uwei u rangbah un pynduh noh ïa ka jingpynkheiñ-burom kaba u la leh; shisha keiñ, un pynphai ruh ïa ka jingpynkheiñ-burom jong u halor jong u hi.

DANIEL 11:18 ပူးပေါင်းရင်းမြစ်များ

ESTHER 10:1

U syiem Serksis u la pynlong ka jingpyntrei jubor ïa ki briew kiba ha ki rud duriaw jong ka hima jong u kumjuh ruh ïa kito ki briew kiba shong shapoh.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JEREMAÏAH 2:10

Khie leit sha sepngi sha ka dewlynnong Sypros, bad phah ïano ïano shaphang mihngi sha ka ri Kedar. Phin ïohi ba ym pat ju don kaba kum kane kaba la jia mynshuwa.

JEREMAÏAH 31:10

U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

ESEKIEL 27:6

Ki shim ïa ki dieng Sning na Bashan ban shna boitha; ki shna ïa ka rynsan jong pha na ki kseh ba na Sypros bad pyndait ha ka da ki bniat hati.

HOSIA 12:14

Ki paid Israel ki la pynbitar kthang ïa U Trai; ki dei hok ban shah pynïap namar ki kam sniew jong ki. U Trai un pynshitom ïa ki na ka bynta ka jingpynjahburom kaba ki la wanlam ha u.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

NONGBISHAR 1:7

U Adonibesek u ong, “Hynñiewphew ngut ki syiem ba la shah ot ki 'tikmie bad ki 'jatkmie ki hap ban tam jingbam na khrum miej jong nga. U Blei u la leh mynta ïa nga ïa kaei kaba nga la leh ïa ki.” La ïalam ïa u sha Jerusalem, ha kaba u la ïap.