DANIEL 11:17 - Khasi CL Bible (BSI)

¹⁷ “U syiem ka Syria un pynkhreh ka jinghiarthma, da kaba pyndonkam ïa ka kynhun shipai jong u baroh kawei. Nangta, khnang ban pynjot ïa ka hima jong u nongshun, un pynlong ka jingïateh lok bad u bad tyrwa ha u ban shongkurim ïa ka khun jong u; hynrei ka jingthmu jong u kan ym jop.

KA BAIBL

¹⁷ Bad un thew la ka khmat ban wan da ka bor ka hima jong u baroh, bad ki bahok lem bad u; bad un leh katba u mon: bad un ai ha u ka khun jong ki kynthei, ban pynsniew ïa ka; hynrei, kan ym neh, lymne kan ym long ka jong u.

DANIEL 11:17 ပူးပေါင်းရင်းမြစ်များ

2 SYIEM 12:17

Ha kata ka por u Hasael u syiem ka Syria u tur ïaleh ïa ka nongbah Gath bad u jop ïa ka; nangta u rai ban tur ïaleh ïa ka Jerusalem.

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

SALM 56:9

Ha ka sngi kaba nga khot kyrpad ïa me, ki nongshun jong nga kin phai pat. Nga tip ïa kane: U Blei u don ha ka liang jong nga —

PROBERB 19:21

Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

ESEKIEL 17:17

Wat ka kynhun shipai kaba khlaiñ tam jong u syiem ka Ijipt kam lah ban ïarap ïa u ban ïaleh haba ki nong Ijipt ki tei ki jingtei khyndew bad tih ki kharai khnang ban pynïap bun ngut ki briew.

ESEKIEL 25:2

“Ko khun u briew,” u la ong, “to kren pyrshah ïa ka ri ki Ammon.

ESEKIEL 4:3

Shim uwei u khiew nar bad pynïeng ïa u kum ka kynroh hapdeng jong me bad ka nongbah. Phai khmat sha ka nongbah. Ka don ha ka jingshah kerkut, bad dei ma me uba kerkut ïa ka. Kane kan long ka dak ïa ka jaitbynriew Israel.

ESEKIEL 4:7

“Phai beit ïa la ki khmat sha ka Jerusalem ba la shah kerkut, pynkhih ïa la ka kti ba la kham, sha ka phang ka nongbah bad ïathuhlypa pyrshah ïa ka.

DANIEL 11:19

U syiem un wan phai pat sha ki kut ki jong ka ri jong u hi, hynrei un shahjop, bad kata kan long ka jingkut jong u.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

HABAKKUK 1:9

“Ki kynhun shipai jong ki, ki tur jubor sha khmat ban jop, bad uwei pa uwei u la sngewtriem katba ki nang tur. Kiba shah kem ki bun bah kum u shyiap.

MATHAÏOS 12:30

“Uno uno u bym long na ka bynta jong nga, u ïaleh pyrshah shisha ïa nga; uno uno u bym ïarap ïa nga ban lum ban lang u long shisha uba pynsaphred.

LOUKAS 11:23

“Uno uno u bym long ha ka liang jong nga u pyrshah da shisha ïa nga; uno uno u bym ïarap ïa nga ban lum u pynsaphriang da shisha.

LOUKAS 9:51

Katba ka por ka nang jan haba ïa U Jisu yn shim noh sha bneng, u la pynbeit ïa ka jingmut bad u la leit ha la ka lynti sha Jerusalem.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?