DANIEL 11:12 - Khasi CL Bible (BSI)

¹² Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

KA BAIBL

¹² Te yn pynsarong ïa uta u paidbah, bad ka dohnud jong u kan sngewmeng: bad un pynkyllon bun phew hajar, hynrei, un ym jop.

DANIEL 11:12 ပူးပေါင်းရင်းမြစ်များ

2 SYIEM 14:10

Mynta ko Amasaïah, me la jop ïa ki Edom, bad me dap da ka jingsarong. To sngewhun bad la ka nam bad shong khop ha ïing. Balei me pynkynroi jingkulmar ka ban wanrah tang ïa ka jingpynjot ha me bad ha ki briew jong me?”

2 KHRONIKL 25:19

Mynta ko Amasaïah, me kob ba me la jop ïa ki Edom, hynrei nga ai jingmut ïa me ba men shong ha ïing. Balei me pynkhih jingkulmar ka ban shu wanrah tang ka jingjot ha me bad ki briew jong me?”

2 KHRONIKL 26:16

Hynrei haba u syiem Ussaïah u la kylla long uba khlaiñbor, u la sngewmeng noh pynban, bad kata ka ïalam sha ka jingkhyllem noh jong u. U ïaleh pyrshah ïa U Trai U Blei jong u da kaba u leit rung sha ka Templ ban thang jingiwbih ha ka duwan thang jingiwbih.

2 KHRONIKL 32:25

Hynrei u Hesekaïah u sngewsarong palat ban pynpaw ïa ka jingsngewnguh ïa kaei kaba U Trai u la leh namar jong u, bad ka Judah bad ka Jerusalem ki mad jingjynjar na kata.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

ESEKIEL 28:17

Me la sngewsarong ba me long uba bhabriew, bad ka nam jong me ka la pynlong ïa me ban leh kum u bieit. Namar kane nga la bret ïa me sha khyndew bad ieh ïa me kum ka jingmaham ïa kiwei pat ki syiem.

ESEKIEL 28:2

“Ko khun u briew,” u la ong, “ïathuh ïa u nongsynshar ka Tyros kaei kaba ma nga, U Trai Nongsynshar, nga ong ha u: Ba la pynhieng da ka jingsarong, me kam ba me dei U Blei. Me ong ba kum U Blei me shong ha ka khet, ba la ker sawdong da ki duriaw. Me lah ban leh mynleh kum U Blei, hynrei, em, me long uba kynja briew, ym uba kynja blei.

ESEKIEL 28:5

Me la pynlong ka jingkhaïi bastad bad me ïai pynïohnong. Katno uba sarong me long ïa ka spah jong me!

DANIEL 11:11

U syiem Ijipt ha la ka jingbitar un leit sha ka thma pyrshah ïa u syiem ka Syria bad kem ïa ka kynhun shipai bakhraw jong u.

DANIEL 11:13

“U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

DEUTERONOMI 8:14

kynmaw ban ym sngewsarong bad ban ym klet ïa U Trai U Blei jong phi uba la pyllait ïa phi na ka ri Ijipt ha kaba phi la long ki mraw.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”