DANIEL 10:9 - Khasi CL Bible (BSI)

⁹ Haba nga la ïohsngew ïa ka sur jong u, nga la kyllon ha khyndew khlem tipbriew bad nga thiah pyllup hangta.

KA BAIBL

⁹ Pynban, nga la ïohsngew ïa ka jingsawa ki ktien jong u: te haba nga la ïohsngew ïa ka jingsawa ki ktien jong u, hangta nga la lap ha ka jingïohthiah lyngngai da pyllup, la ka khmat sha ka khyndew keiñ.

DANIEL 10:9 ပူးပေါင်းရင်းမြစ်များ

JENESIS 15:12

Haba ka sngi ka la jan sep, u Abram u shoh samthiah eh, bad ka jingsheptieng bad ka jingsngew shyrkhei ka la wan ha u.

JENESIS 2:21

Nangta U Trai U Blei u la pynlong ïa u briew ban ïohthiah lyngngai, bad katba u dang ïohthiah, u la shim kawei na ki shyieng krung jong u briew bad u set pyndap pat da ka doh.

Ka Kitab U Job 33:15

Mynmiet haba ki briew ki dang ïohthiah, U Blei u kren ha ki jingphohsniew bad jingïohipaw.

Ka Kitab U Job 4:13

Kum ka jingruma ka pynwit ïa ka jingïohthiah jong nga.

JINGRWAI SOLOMON 5:2

Katba nga dang thiah, ka dohnud jong nga ka peitmat. Nga la phohsniew ba uba ieit jong nga u tied jingkhang. Shah ngan rung shapoh, ko ba-ieit jong nga, ko ba-ieit thep mynsiem jong nga, ko lyngdkhur jong nga. Ka khlieh jong nga ka jhieh da ka umjer, bad u shñiuh jong nga u sngem na u lyoh khyndew.

DANIEL 10:16

Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

DANIEL 8:18

Mynba u dang kren, nga la kyllon ha madan khlem tipbriew. Hynrei u la bat ïa nga, u la khyllie pynïeng ïa nga,

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

LOUKAS 22:45

Haba u la ïeng joit na ka jingduwai jong u, u la leit pat sha ki synran bad u la shem ïa ki ba ki ïohthiah, kiba la shoh lwait da ka jingsngewsih jong ki.

LOUKAS 9:32

U Petros bad ki paralok jong u ki la ïohthiah lyngngai, hynrei ki la kyndit thiah bad ki la ïohi ïa ka burom jong U Jisu bad ïa kita ki ar ngut ki rangbah kiba la ïeng lem bad u.

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.