DANIEL 10:20 - Khasi CL Bible (BSI)

^20-21 U la ong, “Hato me tip balei ba nga la wan sha me? Ka long ban pynpaw ha me ïa kaei kaba la thoh ha ka Kitab ka Jingshisha. Mynta nga dei ban leit noh pat bad ban ïaleh ïa u angel ïada jong ka Persia. Hadien kata, u angel ïada jong ka Gris un mihpaw. Ym don mano mano ban ïarap ïa nga lait noh u Mikhael, u angel ïada jong ka Israel.

KA BAIBL

²⁰ Ynda kumta, u la ong, “Me tip balei nga la wan sha me? te mynta ngan leit phai pat ban ïaleh bad u syiem ka Persha; bad haba nga leit mih noh, ha khmih, u syiem ka Gris un wan.

DANIEL 10:20 ပူးပေါင်းရင်းမြစ်များ

ESRA 4:4

Nangta ki briew kiba shong basah ha ka ri ki pyrshang ban pynduh mynsiem bad pyntieng ïa ki Jiw bad ban khanglad ïa ka jingtrei.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

DANIEL 10:13

U angel jong u khun syiem jong ka hima Persia u la ïaleh pyrshah ïa nga haduh arphew wei sngi. Nangta u Mikhael, uwei na ki angel rangbah, u la wan ban ïarap ïa nga, namar nga la shah iehnoh marwei hangta ha Persia.

DANIEL 7:6

Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

DANIEL 8:21

U 'langsohmoh u ïeng na ka bynta ka hima Gris, bad ka reng kaba paw bha hapdeng ki khmat jong u ka dei u syiem banyngkong.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.