DANIEL 10:19 - Khasi CL Bible (BSI)

¹⁹ U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

KA BAIBL

¹⁹ Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

DANIEL 10:19 ပူးပေါင်းရင်းမြစ်များ

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

DANIEL 10:18

Sa shisien pat u la bat ïa nga, bad nga la kham sngew ïohbor.

DANIEL 9:23

Mynba me la sdang ban ïasaid bad U Blei, u la jubab ïa me. U ieit ïa me, bad kumta nga la wan ban ïathuh ïa ka jubab ha me. Mynta to pynshahshkor katba nga dang batai ïa ka jingïohipaw.

HAGGAI 2:4

Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

ÏOANNIS 11:3

Kita ki kynthei shi para ki la phah khubor sha U Jisu: “Ko Trai, u paralok uba me ieit u pang.”

ÏOANNIS 11:36

“Khmih katno ba u la ieit ïa u!” ki briew ki la ong.

ÏOANNIS 11:5

U Jisu u ieit ïa ka Martha, ïa ka para jong ka, bad ïa u Lasaros.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 19:26

U Jisu u la ïohi ïa la ka kmie bad ïa u synran ïa uba u ieit ba ki ïa-ïeng hangta; te u la ong ha la ka kmie, “Une u long u khun jong phi.”

ÏOANNIS 21:20

U Petros u la phai sawdong bad u la ïohi hadien jong u ïa uta uwei pat u synran, ïa uba U Jisu u ieit — uta uba la shong shaniah ha U Jisu ha ka jingïabam miet bad uba la kylli, “Ko Trai, uei u ban sa shetkylla ïa me?”

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

NONGBISHAR 6:23

Hynrei U Trai u ong ha u, “Long ka jingsuk. Wat sheptieng. Men ym ïap.”