DANIEL 10:16 - Khasi CL Bible (BSI)

¹⁶ Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

KA BAIBL

¹⁶ Te ha khmih, uwei uba kum u khun bynriew u la ktah ïa ki rmiang shyntur jong nga: ynda kumta, nga la ang la ka shyntur bad nga la kren bad nga la ong ha uta uba ïeng ha khmat jong nga, “A kynrad jong nga, ki jingsngewsih jong nga ki la tyllep ïa nga namar kata ka jingithuhpaw, te ka bor kam don shuh ha nga.

DANIEL 10:16 ပူးပေါင်းရင်းမြစ်များ

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 4:13

Hynrei u Moses u jubab, “Em, Kynrad, sngewbha phah noh dano dano.”

EKLESIASTIS 1:18

Katba phi nang stad, phin don bun ki jingkhuslai; katba phi nang tip kham bun, ka nang pynmong bun.

ISAÏAH 6:7

U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

JEREMAÏAH 1:9

Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

ESEKIEL 1:26

Halor ka tnum ka don kaei kaei kaba i kum ka khet; ba la shna da u mawkordor Sapphir; bad don bashong halor kata ka khet ba i kum u briew.

ESEKIEL 3:27

Nangta haba nga kren biang ïa me bad ai biang ha me ïa ka bor ban kren, men ïathuh ïa ki, ïa kaei kaba ma nga, U Trai Nongsynshar, nga ong. Don na ki, ki ban sngap, hynrei don na ki, ki bym leh salia ïa me, naba ki long ka jaitbynriew jong ki nongïaleh pyrshah.”

ESEKIEL 33:22

Ha ka janmiet shuwa ba un wan, nga la sngew ïa ka jingdon ryngkat U Trai kaba jur. Haba uta u briew u la poi ha ka step kaba bud, U Trai u ai ha nga pat ïa ka bor ban kren.

DANIEL 12:8

Nga la ïohsngew ïa kaei kaba u la ong, hynrei ngam shemphang ïa ka. Kumta nga la kylli, “Hynrei, ko rangbah, kumno kane baroh kan kut?”

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 7:15

Ki jingïohipaw ki la pynsheptieng ïa nga, bad la pynwit shikatdei eh ïa nga.

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

DANIEL 8:15

Nga la pyrshang ban sngewthuh aïu ka jingïohipaw ka kit jingmut, haba kynsan uwei u la wan ïeng ha khmat jong nga.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

DANIEL 8:18

Mynba u dang kren, nga la kyllon ha madan khlem tipbriew. Hynrei u la bat ïa nga, u la khyllie pynïeng ïa nga,

DANIEL 8:27

Nga la noh mynsiem bad shitom bun bun sngi. Hadien kata nga la khie bad leit pat sha ka kam kaba u syiem u la ai ha nga, hynrei nga la shaïong da ka jingïohipaw bad ngam lah ban shemphang ïa ka.

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

LOUKAS 1:64

Ha kata ka khyllipmat u Sekharaïah u la lah pat ban kren, bad u la sdang ban ïaroh ïa U Blei.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

JOSHUA 5:14

“Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”

JINGPYNPAW 1:13

bad napdeng jong ki, la don uba i kum U Khun U Briew, uba kup ka jaiñkup kaba kot haduh ki kjat jong u, bad u don u panpoh ksiar sawdong ka shadem jong u.

NONGBISHAR 13:8

Te u Manoah u duwai ha U Trai, “A Trai, nga kyrpad ba men shah ïa u briew jong U Blei ïa uba me la phah ban wan biang sha ngi bad ban ong ïa ngi kaei ba ngin leh ïa uta u khunlung ynda la kha ïa u.”

NONGBISHAR 6:13

U Gideon u ong ha u, “Kynrad, lada long ban kylli, balei kane ka wan jia ha ngi lada U Trai u don ryngkat bad ngi? Jia aïu ïa kiei kiei baroh kiba phylla kiba ki kpa jong ngi ki ïathuh ïa ngi ba U Trai u ju leh — kumno u la ïalam noh ïa ki na Ijipt? U Trai u la iehnoh ïa ngi bad u la ieh ïa ngi ha ka jingisynei jong ki Midian.”

NONGBISHAR 6:15

U Gideon u jubab, “Hynrei Trai, kumno ngan lah ban pyllait ïa ki Israel? Ka kur jong nga ka long kaba tlot tam hapoh ka jait Manasseh, bad nga long uba rit tam na ki dkhot ka longïing jong nga.”