DANIEL 10:13 - Khasi CL Bible (BSI)

¹³ U angel jong u khun syiem jong ka hima Persia u la ïaleh pyrshah ïa nga haduh arphew wei sngi. Nangta u Mikhael, uwei na ki angel rangbah, u la wan ban ïarap ïa nga, namar nga la shah iehnoh marwei hangta ha Persia.

KA BAIBL

¹³ Hynrei, u syiem jong ka hima Persha u la ïeng ïaleh ïa nga arphew wei sngi; hynrei, ha khmih, u Meikhal, uwei u rangbah na ki bakhraw, u la wan ïarap ïa nga: te nga la sah hangta bad ki syiem ka Persha.

DANIEL 10:13 ပူးပေါင်းရင်းမြစ်များ

ESRA 4:24

Ïa ka jingpyntrei ïa ka Templ la lah pynsangeh noh bad ka la sahkut khlem pyntrei shuh haduh ka snem ba ar jong ka jingsynshar u Darius, u patsha ka Persia.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

1 THESSALONI 2:18

Ngi la kwah ban wan phai pat sha phi. Nga hi nga la pyrshang ban leit phai pat palat ïa ka shisien, hynrei u Soitan um ailad ïa ngi.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”

JINGPYNPAW 12:7

Nangta ka thma ka la khie ha bneng. U Mikhael bad ki angel jong u ki la ïaleh pyrshah ïa u Ïakjakor, uba la ïaleh kylliang lem bad ki angel jong u;