DANIEL 10:12 - Khasi CL Bible (BSI)

¹² Nangta u la ong, “Ko Daniel, to wat sheptieng. U Blei u la shahshkor ïa ki jingduwai jong me naduh ka sngi kaba nyngkong ba me la kut jingmut ban pynrit ïa lade khnang ban ïoh ïa ka jingshemphang. Nga la wan ban ai jubab ïa ka jingduwai jong me.

KA BAIBL

¹² Ynda kumta, u la ong ha nga, “To wat sheptieng, ko Daniel; namar naduh kata ka sngi ka banyngkong ha kaba me la buh ïa la ka dohnud ban sngewthuh, bad ban pyndem ïa lade ha khmat U Blei jong me, la sngew ïa ki ktien jong me: bad na ka bynta ki ktien jong me nga la wan.

DANIEL 10:12 ပူးပေါင်းရင်းမြစ်များ

SALM 69:10

Nga pynrit ïa lade da kaba shahjingit, bad ki briew ki rkhiebeiñ ïa nga;

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 58:9

Haba phi duwai, ngan jubab ïa phi. Haba phin khot ïa nga ngan jubab. “Lada phi pynkut noh ïa ka jingbanbeiñ, na man la ka jingleh ibeiñ, bad na man la ka ktien sniew,

ISAÏAH 65:24

Wat ha shuwa ba kin dep duwai ha nga, ngan jubab ïa ki jingduwai jong ki.

DANIEL 10:11

U angel u la ong ha nga, “Ko Daniel, U Blei u ieit ïa me. Ïeng joit bad to shahshkor biang biang ïa kaei kaba ngan ong ha me. Ïa nga la phah sha me.” Haba u la lah ong ïa kane, nga la ïeng, nga dang khynñiuh hi.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

LEBITIKOS 16:29

Kine harum ki long ki jingbuhbeit ryntih kiba dei ban bud pateng la pateng. Ha ka sngi kaba shiphew jong u bnai uba hynñiew, ki Israel bad ki nongwei kiba shong ryngkat bad ki, ki dei ban shahjingit bad ban ym trei ïa kano kano ka kam.

LEBITIKOS 16:31

Kata ka sngi ka dei ban long ka sngi kaba khuid bha, ka sngi ha kaba ki shahjingit bad kim trei ïa kano kano ka kam. Kine ki dei ki jingbuhbeit ryntih ban rakhe pateng la pateng.

JINGKHEIÑ 29:7

Ïalumlang ban mane Blei ha ka sngi kaba shiphew jong u bnai uba hynñiew; wat bam ei ei bad wat trei kano kano ka kam.

MATHAÏOS 28:10

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

MARKOS 16:6

“Wat sheptieng,” u la ong. “Nga tip ba phi ïawad ïa U Jisu uba na Nasareth, ïa uba la sahnarphna. Um don hangne — u la mihpat! Ha khmih, hangne ka jaka ha kaba ki la buh ïa u.

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:30

U angel u la ong ha ka, “To wat sheptieng, ko Mari; U Blei u la sngewbha ïa pha.

LOUKAS 2:10

hynrei u angel u la ong ha ki, “To wat sheptieng! Nga don hangne lem bad ka khubor babha na ka bynta jong phi, ka ban wanrah ka jingkmen kaba khraw ha ki briew baroh.

LOUKAS 24:38

Hynrei, u la ong ha ki, “Balei ba phi ïasheptieng? Balei ba kine ki jingartatien ki wan ha ki jingpyrkhat jong phi?

KI KAM 27:24

‘Wat sheptieng, ko Paul! Me dei ban ïeng ha khmat u Patsha. Bad U Blei ha ka jingbha jong u ïa me u la pynsah ïa ka jingim jong kito baroh kiba ïaleit da ka lieng bad me.’

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.