DANIEL 10:1 - Khasi CL Bible (BSI)

¹ (Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

KA BAIBL

¹ Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

DANIEL 10:1 ပူးပေါင်းရင်းမြစ်များ

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

2 KHRONIKL 36:22

Ha ka snem kaba nyngkong ba u Syros ka ri Persia u long u patsha. U Trai u pynlong ïa kaei kaba u la ong lyngba u nongïathuhlypa Jeremaïah ban urlong shisha. U pynsngew ha u Syros ban pynmih ïa ka hukum harum bad ban phah ha ka jingthoh ïa ka ban pule jam ha kylleng ka hima jong u:

ESRA 3:7

Ki briew ki ai pisa ban siew ïa ki misteri maw bad ki misteri dieng bad ïa ka jingbam jingdih bad ka umphniang Olib ban phah sha ki nongbah jong ka Tyros bad Sidon kum ka jingïabujli na ka bynta ki dieng Kedar na Lebanon, ban wallam lyngba ka duriaw sha Joppa. Ïa kane baroh la leh da ka jingai jingbit u Syros, u patsha ka Persia.

ESRA 4:3

U Serubbabel, u Joshua bad ki rangbah kur ki ong ïa ki, “Ngim donkam ïa ka jingïarap jong phi ban tei ïa ka templ na ka bynta U Trai U Blei jong ngi. Ngin tei hi ïa ka da lade, kumba u Syros, u patsha ka Persia, u la hukum ïa ngi.”

ESRA 4:5

Ki la pynbam pisa ruh ïa ki rangbah synshar ka sorkar Persia ban trei pyrshah ïa ki. Ki la ïai leh ïa kane baroh shi lynter ka jingsynshar u Syros haduh ka jingsynshar u Darius.

ESRA 6:14

Ki nongïalam ki Jiw ki la pynïaid bha ïa ka jingtei ïa ka Templ, ba la ai jingpynshlur da ki nongïathuhlypa, u Haggai bad u Sekharaïah. Ki pyndep ïa ka Templ kumba la hukum da U Blei ki Israel bad da u Syros, u Darius bad u Artakserksis, ki patsha ka Persia.

ESRA 6:3

“Ha ka snem banyngkong jong ka jingsynshar jong u patsha Syros, u la hukum ba ïa ka Templ ha Jerusalem yn tei pat ha kaba ïa ki jingkñia bad ki jingainguh yn thang. Ka Templ ka dei ban long arphew hynñiew mitar ka jingjrong bad arphew hynñiew mitar ka pyngkiang.

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 1:21

U Daniel u la don ha ka ïingbishar syiem haduh ba u Syros u patsha jong ka Persia u la jop ïa ka Babilonia.

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:2

Bad kaei kaba ngan ïathuh ïa me ka long kaba shisha.” U angel u la ong, “Sa lai ngut ki syiem kin synshar halor ka Persia, yn bud sa uba saw, u ban kham riewspah ban ïa baroh kiwei pat. Haba u la khlaiñbor bha bad riewspah eh un kob ïa ka hima Gris.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 4:8

Te u Daniel u la wan shapoh. (La khot ruh ïa u, u Belteshassar, ha ka kyrteng u blei jong nga.) U mynsiem jong ki blei bakhuid u don hapoh jong u, kumta nga la ïathuh ha u ïa kaei kaba nga la phohsniew. Nga la ong ha u:

DANIEL 5:12

U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”

DANIEL 5:17

U Daniel u la jubab, “Buh ïa ki jingai sngewbha jong phi na ka bynta ïa lade lane ai ïa ki hano hano ha uwei pat. Ngan pule na ka bynta u Syiem Kynrad ïa kaei kaba la thoh bad ïathuh ha phi ïa ka jingmut jong ka.

DANIEL 6:28

U Daniel u la manbha ha ka por ba u Darius u synshar bad ha ka jingsynshar jong u Syros u nong Persia.

DANIEL 8:16

Nga la ïohsngew ïa ka sur kaba pyrta na shiliang ka wah Ulai, “Ko Gabriel, to batai ïa u ïa ka jingmut jong kaei kaba u la ïohi.”

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

LOUKAS 1:20

Hynrei mem shym ngeit ïa ka khubor jong nga, ka ban urlong shisha ha ka por kaba dei. Namar ba mem shym la ngeit, men ym lah ban kren, men ïailong uba jar jar tad ynda ka sngi ha kaba ka jingkular jong nga ha me ka urlong shisha.”

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”