DANIEL 1:8 - Khasi CL Bible (BSI)

⁸ U Daniel u la kut jingmut ban ym shah ïa lade ban long u bymkhuid kat kum ka jinglehniam da kaba bam ïa ka jingbam bad dih ïa ka waiñ jong ka ïingbishar syiem, kumta u la kyrpad ïa u Ashkenas ban ïarap ïa u,

KA BAIBL

⁸ Hynrei, u Daniel u la thmu ha la ka dohnud ba un ym pyntngit ïa lade da ka jingbam syiem, lymne da ka Waiñ ba u dih: namar kata, u la kyrpad ïa u rangbah ki ïunukh ba um dei ban pyntngit ïa lade.

DANIEL 1:8 ပူးပေါင်းရင်းမြစ်များ

1 SYIEM 5:5

U Trai u la kular ïa u Dabid, u kpa jong nga, ‘U khun jong me, uba ngan pynlong syiem hadien jong me, un tei ka Templ ïa nga.’ Bad mynta nga la kut jingmut ban tei ka templ na ka bynta ka jingmane ïa U Trai U Blei jong nga.

SALM 106:28

Nangta ha Peor, ki briew jong U Blei ki la ïasnohlang ha ka jingmane ïa u Baal, bad bam ïa ki jingkñia ba la ainguh ha ki blei bym don jingim.

SALM 119:106

Ngan bat ïa ka jingkular kyntang jong nga, ban kohnguh ïa ki jingbthah bahok jong me.

SALM 119:115

Khie leit noh na nga, phi ki briew kiba pop. Ngan kohnguh ïa ki hukum jong U Blei jong nga.

SALM 141:4

To sumar ïa nga na ka jingkwah ban leh ïa ka bymdei bad na kaba ïasoh bad ki riewsniew ha ka jingleh bymman jong ki. Ai ba ngan ym ïadon bynta ha ki jingkhawai jong ki.

PROBERB 23:3

Wat kwah lalot ïa ki jingbam bang ba u pynkhreh; u lah ban pyrshang ban riam ïa phi.

DANIEL 1:5

U syiem u la ai ruh ki hukum ba man la ka sngi la dei ban ai ïa ki da kajuh ka jingbam bad ka waiñ kum ïa ki dkhot jong ka ïingbishar syiem. Hadien lai snem jong kane ka jingai jinghikai ki dei ban wan mih ha khmat u syiem.

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

1 KORINTH 7:37

Hynrei lada u briew, khlem da pynbor ban leh kumta, u la kut jingmut skhem ban ym shongkurim, bad lada ïa la ka mon u lah ban synshar bad ba u la rai kut ha ka jingmut jong u ïa kaei kaba un leh — te u leh ïa kaba dei ban ym shongkurim kata ka theisotti.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

DEUTERONOMI 32:38

Phi la bsa ïa ki da ka khleiñ na ki jingkñia jong phi, bad phi la ai waiñ de ïa ki ban dih. Ai ba kin wan mynta bad ïarap ïa phi, ai ba kin wan kloi ban pyllait im ïa phi.