DANIEL 1:7 - Khasi CL Bible (BSI)

⁷ U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

KA BAIBL

⁷ Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 1:7 ပူးပေါင်းရင်းမြစ်များ

JENESIS 41:45

U la ai kyrteng nong Ijipt ïa u Joseph da ka kyrteng Saphenath Paneah, bad u la ai ha u ka tnga, ka Asenath, ka khun jong u Potiphera, u lyngdoh ha ka nongbah Heliopolis.

2 SYIEM 23:34

U syiem Neko u pynlong ïa u Eliakim, u khun jong u Josaïah, kum u syiem Judah ha ka jaka u Josaïah u kpa jong u, bad u pynkylla ïa ka kyrteng jong u sha u Jehoïakim. Ïa u Joahas la rah sha Ijipt da u syiem Neko, bad u la ïap hangta.

2 SYIEM 24:17

U Nebukhadnessar u la pynlong ïa u Mattanaïah u kñi jong u Jehoïakhin kum u syiem ka Judah bad u la pynkylla ïa ka kyrteng jong u sha u Sedekaïah.

DANIEL 1:19

U syiem u la ïakren bad ki baroh, bad u Daniel, u Hananaïah, u Mishael, bad u Asaraïah ki la pynhun shibun ïa u ban ïa uno uno uwei pat. Kumta ki la kylla long ki dkhot jong ka ïingbishar jong u syiem.

DANIEL 1:3

U syiem u la hukum ïa u Ashpenas, u rangbah synshar bahakhlieh duh jong u, ban jied napdeng ki nong Israel kiba la shah ringmraw ïa ki katto katne ngut ki samla shynrang na ka longïing syiem bad na ki longïing ki riewkhraw.

DANIEL 10:1

(Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 2:26

U syiem u la ong ha u Daniel (ïa uba la khot ruh u Belteshassar), “Hato me lah ban ïathuh ha nga ïa kaei kaba nga phohsniew bad aïu ka kit jingmut?”

DANIEL 2:49

Ha ka jingkyrpad jong u Daniel, u syiem u la buh ïa u Shadrakh, u Meshakh, bad u Abednego ban khmih ïa ka jingpynïaid kam jong ka probins jong ka Babilon; hynrei u Daniel u la don ha ka ïingbishar jong u syiem.

DANIEL 4:5

Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 4:8

Te u Daniel u la wan shapoh. (La khot ruh ïa u, u Belteshassar, ha ka kyrteng u blei jong nga.) U mynsiem jong ki blei bakhuid u don hapoh jong u, kumta nga la ïathuh ha u ïa kaei kaba nga la phohsniew. Nga la ong ha u:

DANIEL 5:12

U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”