DANIEL 1:19 - Khasi CL Bible (BSI)

¹⁹ U syiem u la ïakren bad ki baroh, bad u Daniel, u Hananaïah, u Mishael, bad u Asaraïah ki la pynhun shibun ïa u ban ïa uno uno uwei pat. Kumta ki la kylla long ki dkhot jong ka ïingbishar jong u syiem.

KA BAIBL

¹⁹ Bad u syiem u la ïakren bad ki; te hapdeng jong ki baroh, ym shym la shem uwei ruh kum u Daniel, u Hananiah, u Mishael, bad u Asariah: namar kata, ki la ïeng ha khmat u syiem.

DANIEL 1:19 ပူးပေါင်းရင်းမြစ်များ

JENESIS 41:46

U Joseph u la dap laiphew snem ka rta mynba u sdang ban treikam na ka bynta u syiem Ijipt. U la iehnoh ïa ka ïingsyiem bad u leit kylleng ka ri Ijipt.

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

JEREMAÏAH 15:19

Ïa kane U Trai u la jubab, “Lada me wan phai, ngan shim pat ïa me, bad men long biang u shakri jong nga. Lada ha ka jaka ban kren khlem jingmut me pynbna ïa ka khubor ba don jingmut, men long biang u nongïathuhlypa jong nga. Ki briew kin wan phai pat sha me, bad mem donkam ban leit sha ki.

DANIEL 1:18

Ha kaba kut jong ki lai snem kiba la buh da u syiem, u Ashpenas u la ïalam ïa baroh ki samla shynrang sha u Nebukhadnessar.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 1:5

U syiem u la ai ruh ki hukum ba man la ka sngi la dei ban ai ïa ki da kajuh ka jingbam bad ka waiñ kum ïa ki dkhot jong ka ïingbishar syiem. Hadien lai snem jong kane ka jingai jinghikai ki dei ban wan mih ha khmat u syiem.

DANIEL 1:6

Napdeng kito kiba la shah jied ki long u Daniel, u Hananaïah, u Mishael, bad u Asaraïah; baroh na ki, ki dei na ka jait Judah.

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 2:13

Kumta la pynmih ïa ka hukum na ka bynta jong ki baroh ban shah pynïap, kynthup ïa u Daniel bad ki paralok jong u.

DANIEL 3:29

“Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”