AMOS 9:9 - Khasi CL Bible (BSI)

⁹ “Ngan ai ka hukum, bad ngan kyrsih ïa ki paid Israel kum ïa u kew. Ngan kyrsih ïa ki hapdeng ki jaitbynriew ban weng ïa kita baroh ki bymdondor.

KA BAIBL

⁹ “Naba, ha khmih, ngan hukum, bad ngan kynruh ïa ka ïing Israel hapdeng ki jaid bynriew baroh, kumba kynruh ïa u Kew ha ka shalani, hynrei, iwei i barit eh i soh Kew in ym hap ha ka khyndew.

AMOS 9:9 ပူးပေါင်းရင်းမြစ်များ

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 28:28

Um pynsniew noh ïa u kew da kaba peh palat ïa u, bad u tip kumno ban ïuh ïa u da kaba pynïaid ïa ka kali dieng halor jong u khlem pynkhlur noh ïa ki symbai.

ISAÏAH 30:28

U phah ïa ka lyer ha shuwa jong u kum ka jingshlei kaba kit lut ïa kiei kiei baroh. Ka sar ïa ki hima sha ka jingjot bad u pynkut ïa ki jingthmu basniew jong ki.

JEREMAÏAH 31:36

U kular ba katba ka jingbuh ryntih ïa ka mariang ka dang neh, kumta ruh ki Israel kin long ka jaitbynriew.

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

JEREMAÏAH 49:36

Ngan pynlong ïa ki lyer ban beh pyrshah ïa ka Elam na ki liang baroh, bad ngan pynsakma ïa ki briew jong ka kylleng, haduh ba yn ym don ki ri ha kiba ki nongphetwir na ka kim shym poi.

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

ESEKIEL 36:19

Nga pynrem ïa ki namar ka rukom ba ki im bad ki leh, bad nga la pynsakma ïa ki kylleng ki ri nongwei.

ESEKIEL 39:28

Te ki briew jong nga kin tip ba nga long U Trai U Blei jong ki. Kin sa tip ïa kane, namar nga la phah ïa ki sha ka jinglongmraw bad mynta nga lumlang ïa ki bad wallam pat ïa ki sha ka ri jong ki hi, khlem da iehnoh wat uwei na ki shadien.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.