AMOS 9:7 - Khasi CL Bible (BSI)

⁷ U Trai u ong, “Ko ki paid Israel, nga da pyrkhat ïa ki briew ka Sudan kumba nga leh ïa phi. Nga la wallam ïa ki nong Philistia na Krit bad ïa ki nong Syria na Kir, kumba nga la wallam ïa phi na Ijipt.

KA BAIBL

⁷ “Phi phim long ha nga kum ki khun ki Ethiopia, A ko khun Israel?” ong U Trai. “Nga la wallam noh ne em ïa ki Israel na ka ri Ijipt, bad ïa ki Philistia na Kaphtor, bad ïa ki Syria na Kir?

AMOS 9:7 ပူးပေါင်းရင်းမြစ်များ

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

2 KHRONIKL 14:12

U Trai u jop ïa ka kynhun shipai Sudan mynba u Asa bad ki kynhun shipai jong ka Judia ki tur ïaleh ïa ki.

2 KHRONIKL 14:9

U nong Sudan uba kyrteng u Serah u tur ïaleh ïa ka Judah ryngkat bad ka kynhun shipai kaba don shi million ki rangbah bad laispah tylli ki kali ïapom bad ki tur shaphrang haduh Mareshah.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

ISAÏAH 20:4

U patsha jong ka Assyria un ïalam lyngkhuit ïa ki koidi kiba u la kem na kito ki ar tylli ki ri. Kiba samla bad kiba tymmen, kin ïaid da ka kjat suda bad lyngkhuit, bad ki rain jong ki ba khlem tap, kaba wanrah ka jinglehrain halor ka Ijipt.

ISAÏAH 22:6

Ki shipai na ka ri Elam ki la wan da kaba shong halor ki kulai, ki da kieng atiar da ki ryntieh bad ki khnam. Ki shipai na ka ri Kir ki la khreh ïa ki stieh jong ki.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

JEREMAÏAH 13:23

U briew uba ïong u lah mo ban pynkylla ïa ka rong jong ka sniehdoh jong u, lane u 'labasa u lah mo ban weng ïa ki jingthoh ïong jong u? Lada ki lah, te ma pha ka bym leh ïa kano kano hynrei ka jingsniew pha lah ban tip ban leh ïa kaei kaba dei.

JEREMAÏAH 47:4

Ka por ka la poi ban pynjot ïa ka Philistia, ban pyndam noh na ka Tyros bad ka Sidon ïa ka jingïarap baroh kaba dang sah. Ma nga, U Trai, ngan pynjot ïa ki nong Philistia, baroh kiba wan na ki rud duriaw ka Krit.

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.

AMOS 1:5

Ngan pynkheiñ ïa ki khyrdop nongbah ka Damaskos, bad ngan weng ïa ki nongshong shnong jong ka Them Aben, bad ïa u nongsynshar ka Betheden. Ki briew ka Syria kin shah ring kum ki koidi sha ri Kir.”

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

DEUTERONOMI 2:23

Ka jaka harud ka Duriaw Mediterranian ka long kaba shong da ki Kaphtorim kiba wan na ka dewlynnong Krit. Kine ki la pynjot ïa ki Abbim kiba dei ki trai jaka, bad ki knieh lut ïa ka ri jong ki haduh ka shnong Gasa kaba shaphang shathie.)