AMOS 9:2 - Khasi CL Bible (BSI)

² Wat lada ki tih ïa ka lynti jong ki shapoh ka pyrthei kiba ïap, ngan kem ïa ki. Wat lada ki kiew sha bneng, ngan patan ïa ki shapoh.

KA BAIBL

² “La ki tih haduh ka dujok, nangta ka kti jong nga kan shim ïa ki; bad la ki kiew haduh ka bneng, nangta ngan pynhiar ïa ki.

AMOS 9:2 ပူးပေါင်းရင်းမြစ်များ

Ka Kitab U Job 20:6

U lah ban man khraw, ban jrong shaduh suiñbneng, u khraw haduh ba ka khlieh jong u ka kot sha ki lyoh,

Ka Kitab U Job 22:13

Bad pynban phi kylli, “Aïu U Blei u tip? la buhrieh ïa u ha ki lyoh — kumno u lah ban bishar ïa ngi?”

Ka Kitab U Job 24:23

U Blei u lah ban shah ïa u ban im khlem jingpynthut, hynrei u peit-thuh pat ïa u man la ka por.

Ka Kitab U Job 26:6

Ka pyrthei kiba ïap ka plie rynghang ha U Blei; ym don ka jingtap kaba kah ïa ka na ka jingïohi jong u.

Ka Kitab U Job 34:22

Ym don jingdum ka ban dum tliw palat ban buhrieh ïa u nongpop na U Blei.

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 51:53

Wat la ka Babilon ka lah ban kiew sha suiñbneng bad tei ka kut baskhem hangta, ngan dang ïai phah hi ïa ki briew ban pynjot ïa ka. Ma nga, U Trai nga la kren.”

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

OBADAÏAH 1:4

Wat la pha pynlong ïa la ka ïing shajrong kat ka skum pukni, khnang ba yn i kumba ka don hapdeng ki khlur, pynban ngan pynhiar ïa pha sha tbian.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.