AMOS 9:14 - Khasi CL Bible (BSI)

¹⁴ Ngan wan ïalam pat ïa ki briew jong nga sha la ka ri. Kin sa tei pat ïa ki shnong ba la jot bad kin shong hangta; kin thung ki bri sohwaiñ bad kin dih ïa ka waiñ; kin thung jingthung ha ki kper, bad kin bam na kaei kaba mih.

KA BAIBL

¹⁴ Te ngan pynwan pat ïa ka jingpynwir ki Israel ki briew jong nga, bad kin tei pat ïa ki shnong bajot, bad kin shong ha ki; bad kin thung ki brisoh Waiñ, bad kin dih ïa ka Waiñ jong ki; kin thaw ki kper ruh, bad kin bam ïa u soh jong ki.

AMOS 9:14 ပူးပေါင်းရင်းမြစ်များ

SALM 107:37

Ki rep lyngkha bad ki thung ki dieng sohwaiñ bad ki lum ka jingot kaba dap kyrhai.

SALM 53:6

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Blei u pyndap kyrhai biang ïa ki!

ISAÏAH 60:4

Khmih sawdong jong pha bad peit kaei kaba jia: Ki briew jong pha kin ïalumlang ban wan phai sha ïing; ki khun shynrang jong pha kin wan na sha jngai bah, bad ïa ki khun kynthei jong pha yn shu rah kum ïa ki khunlung.

ISAÏAH 61:4

Kin tei pat ïa ki nongbah ba la jot la pra.

ISAÏAH 65:21

Ki briew kin tei ïa ki ïing ki sem bad kin shong hi ha ki — yn ym pyndonkam ïa ki da kiwei pat. Kin thung ki dieng sohwaiñ bad leh sngewbha ha ka waiñ — yn ym dih ïa ka da kiwei pat.

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

JEREMAÏAH 31:5

Sa shisien pat phin thung ki dieng sohwaiñ ha ki lum ka Samaria, bad kito kiba thung ïa ki kin ïoh bam ïa kaei kaba ki bri sohwaiñ kin pynmih.

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 33:7

Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

ESEKIEL 16:53

U Trai u ong ïa ka Jerusalem, “Ngan pynlong ïa ki ban manbha pat — ïa ka Sodom bad ki nongrit jong ka bad ka Samaria bad ki nongrit jong ka. Ho-oid ngan pynmanbha ïa pha ruh.

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”

ESEKIEL 37:21

Nangta to ïathuh ha ki ba ma nga, U Trai Nongsynshar, ngan shim noh ïa ki briew jong nga baroh na ki jaitbynriew sha kiba ki la leit, ngan lumlang ïa ki na ki, bad wanrah pat ïa ki sha la ka jong ka ri.

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

SEPHANAÏAH 1:13

Ïa ka spah jong ki yn lute bad ïa ki ïing jong ki yn pynjot. Kin ym shong ha ki ïing kiba ki tei lane dih ïa ka waiñ na ki bri sohwaiñ kiba ki thung.”

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.