AMOS 9:13 - Khasi CL Bible (BSI)

¹³ “Ki sngi ki la poi,” ong U Trai, “haba u kew un san stet ban ïa kaba lah ban ot, bad ki sohwaiñ kin san stet ban ïa ka waiñ ba lah ban shna. Ki lumbah kin jaw da ka waiñ kaba thiang, bad ki lumrit kin tuid da ka.

KA BAIBL

¹³ “Ha khmih, ki sngi kin wan,” ong U Trai, “ba u nonglur un lap ïa u nongot, bad uta uba ïuh ïa ki soh Waiñ ïa uba bet ïa u symbai; bad ki lum bah kin pynjaw ïa ka Waiñ thiang, bad ki lum rit baroh kin um noh.

AMOS 9:13 ပူးပေါင်းရင်းမြစ်များ

JENESIS 49:11

U teh ïa u khun kada ha u dieng sohwaiñ Ha u dieng sohwaiñ uba bha tam; U sait ïa la ki jaiñphong ha ka um sohwaiñ, kaba saw snam.

SALM 97:5

Ki lum ki um noh kum ka bthing ha khmat U Trai, ha khmat U Trai jong ka khyndew baroh.

ISAÏAH 16:10

Ym don mano mano bakmen mynta ha ki lyngkha baseisoh. Ym don mano mano ba pyrta jam lane rwai ha ki bri sohwaiñ. Ym don ba ïuh ïa ki sohwaiñ ban shna waiñ; ki jingpyrta jam jong ka jingkmen ki la kut.

ISAÏAH 55:13

Ki dieng Kseh-Sypress kin san ha ka jaka kaba mynta ki don ki dieng shynraiñ; ki dieng Martl kin mih ha ka jaka ki shiah. Kane kan long ka dak ka ban neh junom, ka jingpynkynmaw ïa kaei kaba ma nga, U Trai, nga la leh.”

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

JOEL 2:24

Ki jaka pynkhuid kew kin dap da u kew; ki thliew harud ki jaka pynmih umsoh bad umphniang kin shlei da ka waiñ bad ka umphniang Olib.

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

JOEL 3:20

Ngan pynhiarkput na ka bynta kito kiba la shah pynïap; ngan ym map ïa kiba leh kam sniew. Hynrei ha Judah bad Jerusalem yn don ki nongshong shnong junom, bad ma nga U Trai, ngan shong ha u lum Seïon.”

LEBITIKOS 26:5

Ki jingmih kin long kiba bun katta katta ba phin dang ot hi ïa u kew wat haba ka la dei ka por kheit sohwaiñ, bad phin dang kheit hi ïa kita ki soh wat haba ka la dei ka por bet kew. Phin ïoh bam kat kaba phi kwah, bad phin ïoh im suk im saiñ ha la ka ri.

AMOS 9:5

U Trai Nongsynshar Badonbor Baroh u ktah ïa ka pyrthei, bad ka khynñiuh baroh kiba shong ha ka ki ïambriew, ka pyrthei baroh kawei ka kiew ka hiar kum ka wah Nile.

ÏOANNIS 4:35

Phi don ka jingong, ‘Sa saw bnai bad nangta pat ka aïom ot.’ Hynrei nga ong ïa phi, to da khmih ïa ki lyngkha; ki jingthung mynta ki la ih bad ki la dei ban ot!

NONGBISHAR 5:5

Ki lumbah ki khynñiuh ha khmat U Trai jong u Lum Sinai, Ha khmat U Trai, U Blei ki Israel.