AMOS 9:12 - Khasi CL Bible (BSI)

¹² Bad kumta ki briew ka Israel kin ïohknieh ïa kaei kaba dang sah jong ka ri Edom bad ïa ki jaitbynriew baroh kiba shisien ki long ki jong nga,” ong U Trai, u ban pynlong ïa kane ban jia.

KA BAIBL

¹² ba kin dup ïoh ïa kaba sah jong ka Edom, bad ïa kita ki jaid bynriew baroh, ïa kiba la khot da ka kyrteng jong nga,” ong U Trai uba leh ïa kane.

AMOS 9:12 ပူးပေါင်းရင်းမြစ်များ

JENESIS 27:29

To ai ba ki jaitbynriew kin long ki shakri jong me, bad ki briew kin dem khrup ha khmat jong me. To men synshar halor ki kur ki jait jong me baroh, bad to ai ba ki khun ki ksiew ka kmie jong me kin dem khrup ha khmat jong me. Ai ba kito kiba tim ïa me kin long kiba la tim bad ai ba kito kiba me kyrkhu kin long kiba la kyrkhu.”

JENESIS 27:37

U Isaak u jubab, “Nga la pynlong ïa u, u kynrad halor jong me, bad nga la pynlong ïa ki kur ki jait jong u ban long ki mraw jong u. Nga la ai ha u ïa u kew bad ka waiñ. Mynta ngam don ei ei shuh ba nga lah ban leh na ka bynta jong me, ko khun?”

SALM 60:8

Hynrei ngan pyndonkam ïa ka Moab kum ka jaka sait kti jong nga bad ngan bret ïa ki juti jong nga ha ka Edom, kum ka dak ba nga long trai ïa ka. Hato ki Philistia ki pyrkhat ba kin risa jam da ka jingjop halor jong nga?”

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 43:7

Ki long ki briew jong nga hi, bad nga la thaw ïa ki ban wanrah burom ïa nga.”

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

ISAÏAH 65:1

U Trai u ong, “Nga la kloi ban jubab ïa ki jingduwai ki briew jong nga, hynrei kim shym la duwai. Nga la ap ïa ki ban shem ïa nga, hynrei kim shym la pyrshang. Ka jaitbynriew kam shym la khot kyrpad ïa nga, wat lada nga long la kloi ban jubab, ‘Hangne nga don; ngan ïarap ïa phi.’

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

JOEL 3:8

Ngan pynlong ba ki khun shynrang bad ki khun kynthei jong phi yn die sha ki briew ka Judah; ma ki kin sa die ïa ki sha jngai sha ki Sabean. Ma nga, U Trai, nga la kren.

MALAKHI 1:4

Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”

KI KAM 15:17

Bad kumta baroh kiba sah na u bynriew kin wan sha nga, baroh ki Jentil ïa kiba nga la khot ban long ki jong nga.

KI KAM 15:18

Kumta ong U Trai, uba la pyntip ïa kane slem bah mynshuwa.’