AMOS 9:11 - Khasi CL Bible (BSI)

¹¹ U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

KA BAIBL

¹¹ “Ha kata ka sngi ngan pynïeng ïa Ka Tabernakl u Dabid kaba la kyllon, bad ngan pyndam ïa ki jingpynpei jong ka; bad ngan pynïeng pat ïa ki jingtwa jong ka, bad ngan tei pat ïa ki kumjuh kumba ha ki sngi mynbarim;

AMOS 9:11 ပူးပေါင်းရင်းမြစ်များ

Ka Kitab U Job 1:10

Me la ïada ïa u borabor bad ïa ka longïing jong u bad kiei kiei baroh kiba u don. Me la kyrkhu ïa baroh kiba u leh, bad me la ai ha u shibun ki masi ban pyndap ha baroh ka ri.

SALM 143:5

Nga kynmaw ïa ki sngi ba la leit noh; nga pyrkhat ïa kata baroh kaba me la leh, nga kynmaw ïa baroh ki jingleh jong me.

SALM 80:12

Balei me pynkhyllem noh ïa ki jingker sawdong jong u? Mynta mano mano ba ïaid najan ki lah ban tuh ïa ki soh jong u;

SALM 89:40

Me la pyntwa ïa ki kynroh ka nongbah jong u; bad me la iehnoh ïa ki kut jong u ha ki jingjot jingpra.

ISAÏAH 16:5

Nangta uwei na ki khun ki ksiew jong u Dabid un long syiem, bad un synshar ïa ki briew da ka jingïaineh bad ka jingieit. Un long uba kloi ban leh ïa kaba dei, bad un khmih ba yn leh ïa ka jingbishar hok.)

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 58:12

Ki briew jong phi kin tei pat ïa kaei kaba la pra la slem bah, kin tei pat halor ki nongrim ba-mynshuwa. Yn tip ïa phi kum ki briew kiba tei pat ïa ki kynroh, kiba pynbha pat ïa ki ïing ba la pra.”

ISAÏAH 63:11

Hynrei nangta ki kynmaw ïa ki por kiba mynshuwa, ïa ki sngi u Moses, u shakri U Trai bad ki kylli, “Hangno mynta u don U Trai, uba pyllait im ïa ki nongïalam jong ki briew jong u na ka duriaw? Hangno u don U Trai, uba la ai ïa U Mynsiem jong u ha u Moses?

ISAÏAH 65:9

Ngan kyrkhu ïa ki khun Israel kiba dei na ka jait Judah, bad ki khun ki ksiew jong ki kin ïohkynti ïa ka ri jong nga kaba ha ki lumbah. Ki briew ba la jied jong nga, kiba shakri ïa nga, kin shong hangta.

JEREMAÏAH 18:9

Ha kawei pat ka liang, lada nga ong ba ngan seng lane tei ïa kano kano ka jaitbynriew lane ka hima,

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

JEREMAÏAH 46:26

bad ngan aiti ha kito kiba kwah ban pynïap ïa ki, ha u Nebukhadnessar, u syiem ka Babilonia bad ka kynhun shipai jong u. Hynrei shen hadien, ki briew kin shong kin sah biang ha Ijipt, kumba ki la leh ha ki por ba la leit. Ma nga, U Trai, nga la kren.”

SNGEWSYNEI 5:21

To wallam pat ïa ngi sha me, ko Trai! To wallam pat ïa ngi! To pynïoh pat ïa ka burom ba-mynbarim.

ESEKIEL 17:24

Baroh ki dieng kin tip ba nga long U Trai. Nga khet ïa ki dieng bajrong bad nga pynlong ïa ki dieng rit ban san jrong. Nga pynïap stai ïa ki dieng bajyrngam bad pynlong ïa ki dieng ba-tyrkhong ban kylla jyrngam. Ma nga, U Trai, nga la kren. Ngan leh ïa kaei kaba nga la ong ba ngan leh.”

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 7:11

Ko ki briew ka Jerusalem, ka por ban tei pat ïa ki kynroh ka nongbah ka la poi. Ha kata ka por ïa ka ri jong phi yn pynïar.

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

MIKAH 7:8

Ki nongshun jong ngi kim don daw ban risa beiñ halor jong ngi. Ngi la kyllon noh, hynrei ngin khie pat. Ngi don ha ka jingdum mynta, hynrei U Trai un ai jingshai ïa ngi.

SEKHARAÏAH 12:7

“Ma nga, U Trai, ngan ai ka jingjop nyngkong ïa ki kynhun shipai jong ka Judah, khnang ba ka burom kaba ki khun ki ksiew jong u Dabid bad ki briew ka Jerusalem kin ïohpdiang kan ym long kaba khraw ban ïa kata kaba sah jong ka Judah.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

JINGKHEIÑ 24:18

Un jop ïa ki nongshun jong u ha Edom, Bad un pynlong ïa ka ri jong ki ka jingïohkynti jong u, Katba ki Israel kin ïai jop.