AMOS 9:10 - Khasi CL Bible (BSI)

¹⁰ Ïa ki nongpop napdeng ki briew jong nga yn pynïap ha ka thma — ïa kito baroh kiba ong ‘U Blei un ym shah ïa kano kano ka jingma ban wan hajan jong ngi.’ ”

KA BAIBL

¹⁰ Ki bapop baroh na ki paidbah jong nga kin ïap da ka waitlam, kiba ong, ‘Kata ka basniew kan ym lap lymne leit sha shuwa jong ngi.’ ”

AMOS 9:10 ပူးပေါင်းရင်းမြစ်များ

SALM 10:11

U riewbymman u ong ha lade, “U Blei um sngew ei ei! u la khapbrip ïa la ki khmat bad un ym ïohi ïa nga da lei lei!”

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

AMOS 6:3

Phi kyntait ban pdiang ba ka sngi jong ka jingjot ka wan, hynrei kaei ba phi leh ka long tang ban pynjan ïa kata ka sngi.

AMOS 9:8

Ma nga, U Trai Nongsynshar, nga khmih ïa kane ka hima Israel kaba pop, bad ngan pynjot ïa ka na sla khyndew. Hynrei ngan ym pynjot ïa baroh ki khun ki ksiew u Jakob.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.