AMOS 8:5 - Khasi CL Bible (BSI)

⁵ Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

KA BAIBL

⁵ phi ïa-ong, ‘Lano un ïap noh u 'nai thymmai, ba ngin ïadie Kew? bad ka Sabbaton, ba ngin pynmih noh ïa u Kew? da kaba pynrit ïa ka ephah, bad pynheh ïa ka shekel, bad leh shukor da ki tarajur ka jingbymhok;

AMOS 8:5 ပူးပေါင်းရင်းမြစ်များ

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

EKSODOS 31:13

“Rakhe ïa ka sngi Sabbaton, ka sngi shongthait jong nga namar ka long ka dak hapdeng jong nga bad phi pateng la pateng, ba phin ïoh tip ba nga U Trai nga la pynlong ïa phi ki briew jong nga hi.

PROBERB 11:1

U Trai u isih ïa ki briew kiba pyndonkam da ki tarajur thok. U sngewbha ha ki jingthew kiba hok.

PROBERB 16:11

U Trai u kwah ba ki tarajur bad ki mawthew ki dei ban long kiba beit bad baroh ka jingïadie ïathied kan long kaba hok.

PROBERB 20:23

U Trai u isih ïa ki briew kiba pyndonkam da ki tarajur bad jingthew bymhok.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

ISAÏAH 58:13

U Trai u ong, “Lada phi ñiew ïa ka Sabbaton kum kaba kyntang bad phin ym beh tang ïa la ki jong ki jingmyntoi ha kata ka sngi; lada phi ñiewkor ïa ka sngi kaba khuid jong nga bad lada phi burom ïa ka khlem da leit jingleit, treikam, lane shu bunktien bieit ha kata ka sngi,

HOSIA 12:7

U Trai u ong, “Ki paid Israel ki long bymhok kum ki nong Kanaan; ki sngewtynnat ban shukor ïa ki nongthied da ki tarajur bymhok.

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

LEBITIKOS 19:36

Pyndonkam ïa ki tarajur kiba biang, ki mawthew kiba biang, bad ïa ki tiar thew kiba biang. Nga long U Trai U Blei jong phi bad nga wallam ïa phi na ka ri Ijipt.

SEKHARAÏAH 5:6

“Ka dei kaei?” Nga la kylli. U la jubab, “Ka dei ka shang, bad ka ïeng na ka bynta ka pop jong ka ri baroh kawei.”

SEKHARAÏAH 5:8

U angel u la ong, “Kane ka kynthei ka ïeng na ka bynta ka jingbymman.” Nangta u ñiat ïa ka sha tbian shapoh jong ka shang bad u tap pat shapoh ïa ka jingtap.

MALAKHI 1:13

Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi?

JINGKHEIÑ 10:10

Kumjuh ruh ha ki por lehkmen — ha ki Jingkhawai Niam Bnai Thymmai bad ha kiwei pat ki Jingkhawai Niam jong phi — phi dei ban put ïa ki turoi haba phi wanrah ïa ki jingainguh thang bad ki jingainguh ïasyllok jong phi. Te ngan ïarap ïa phi. Nga long U Trai U Blei jong phi.”

KOLOSSAI 2:16

Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.

1 SAMUEL 20:5

“Lashai ka sngi ka dei ka jingkhawai mih bnai thymmai” u Dabid u jubab “bad nga dei ban ïashong bam ryngkat bad u syiem. Hynrei lada ka long kaba biang ïa phi, ngan leit noh ban rieh ha ki bri haduh la shi sngi janmiet.