AMOS 8:3 - Khasi CL Bible (BSI)

³ Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

KA BAIBL

³ Te ki jingrwai jong ka templ kin long ki jingjlew ha kata ka sngi,” ong U Trai U Blei: “Ki metïap kin long shibun; ha man ka jaka yn bred noh jar jar ïa ki.”

AMOS 8:3 ပူးပေါင်းရင်းမြစ်များ

SALM 39:9

Ngan sngap jar, ngan ym ong wat tang shikyntien ruh, namar dei ma me uta uba pynlong ïa nga ban shitom kumne.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

JEREMAÏAH 22:18

Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

SNGEWSYNEI 2:10

Ki tymmen shynrang jong ka Jerusalem ki shong ha khyndew ha ka jingjar jar, da u pui pui halor ki khlieh jong ki bad ka jaiñ khain ha ki met jong ki. Ki samla kynthei ki pyndem ngon ïa ki khlieh jong ki ha khyndew.

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:5

To kyndit na kaba ïohthiah bad to ïam, phi ki nongbuaid; to ïam, phi ki nongdih kyiad; ïa ki sohwaiñ ban shna waiñ thymmai la pynjot.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

AMOS 4:10

“Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

AMOS 5:23

Keiñ noh kaba rwai da ka sur bajam; ngam kwah ban sngap ïa ki duitara jong phi.

AMOS 6:4

Katno kaba sngewshyrkhei kan long ïa phi kiba thiah halor ki jingthiah baremdor, kiba ïakhawai da ki khun masi bad khunlangbrot!

AMOS 6:5

Phi sngewtynnat ban thaw ïa ki jingrwai, kumba u Dabid u la thaw, bad tem ïa ki ha ki duitara.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

NAHUM 3:3

Ki nongshong kulai ki kynha, ki waitlam ki thaba, ki sum ki phalang! ïa ki metïap la kynton shajrong, ki metïap bym don jingkheiñ — ki briew ki jynthut halor jong ki!

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.