AMOS 8:2 - Khasi CL Bible (BSI)

² U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

KA BAIBL

² Bad u la ong, “Ko Amos, me ïohi aïu?” Te nga la ong, “Shi shang ki soh lyiur.” Ynda kumta, U Trai u la ong ha nga, “Ka bakut ka la wan ha ki Israel ki briew jong nga; ngan ym ïaid kiar shuh ïa ki.

AMOS 8:2 ပူးပေါင်းရင်းမြစ်များ

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

ISAÏAH 28:4

Ka burom jong kito ki nongïalam basarong ka nang jah noh kum ki soh Dumbur ba mih nyngkong jong ka aïom, ba la shim bad bam ïa ki tang shu ih.

JEREMAÏAH 40:10

Ma nga hi ngan sah ha Mispah bad ngan long u nongmihkhmat jong phi haba ki nong Babilonia kin wan shane. Hynrei phi lah ban lum bad kynshew ïa ka waiñ, ki soh, bad ka umphniang Olib, bad ban shong ban sah ha la ki shnongrit ba phi don.”

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

SNGEWSYNEI 4:18

U Nongshun u la ap khmih ïa ngi; ngim lah wat ban ïaid ha ki lynti bah. Ki sngi jong ngi ki la kut; kaba kut ka la wan.

ESEKIEL 12:23

Mynta ïathuh ïa ki ïa kaei kaba ma nga, U Trai Nongsynshar nga don ban ong shaphang kata. Ngan buh ka jingkut ïa kata ka proberb. Yn ym ïai kren shuh ïa ka da lei lei ha Israel. Pynban to ïathuh ïa ki: Ka por ka la wan, bad ki jingïathuhlypa ki la urlong shisha!

ESEKIEL 29:8

Mynta te, ma nga, U Trai Nongsynshar, nga ong ïa phi ba ngan pynïoh ïa ki shipai ban tur ïaleh ïa phi da ki waitlam, bad kin pynïap ïa ki briew bad ki jingri jong phi.

ESEKIEL 3:10

U Blei u la ong shuh shuh, “Ko khun u briew, sngap bha bad kynmaw ïa kiei kiei baroh kiba nga ong ha me.

ESEKIEL 3:7

Hynrei ym don mano mano ruh na ki paid Israel kiba mon ban shahshkor, naba kim shahshkor wat ïa nga ruh; baroh na ki, ki long kiba mutlop bad kiba ehrang.

ESEKIEL 7:6

Kan wan halor jong pha baroh. Kane ka long kaba kut. Phan sa jot noh.

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 8:17

U Trai u la ong ha nga, “Ko khun u briew, me ïohi ïa katai? Kine ki briew ka Judah kim pat hun tang kaba leh ïa ki kam ba-ijli kiba me la ïohi hangne bad ban pynphriang ïa ka ri da ka jingleh thombor. Em, ki dei ban wan bad leh ïa ki hangne hi ha ka Templ ban pynbitar shuh shuh ïa nga. Peit kumno ki beiñ ïa nga ha ka rukom kaba kham palat.

ESEKIEL 8:6

U Blei u la ong ha nga, “Ko khun u briew, me ïohi ïa kaei kaba jia? Khmih ïa kito kiei kiei kiba ijli ba ki paid Israel ki leh hangne, ban beh noh ïa nga sha jngai bad kham sha jngai na ka jaka bakhuid jong nga. Men dang ïohi shuh ïa kiei kiei kiba kham jahburom ban ïa kane.”

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

AMOS 7:8

U la kylli ïa nga, “Amos, me ïohi aïu?” “U Sawar,” nga la jubab. Nangta u ong, “Nga pyndonkam ïa u ban pyn-i ba ki briew jong nga ki long kum ka kynroh ka bym biang sawar. Ngan ym kylla shuh la ka jingmut shaphang kaba pynshitom ïa ki.

AMOS 8:1

Nga la ïoh kawei pat ka jingïohipaw na U Trai Nongsynshar. Ha ka, nga la ïohi shi shang ki soh.

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

SEKHARAÏAH 5:2

U angel u la kylli ïa nga kaei nga la ïohi. Nga la jubab, “Ka kot kli baher ha ka lyer; ka don khyndai mitar ka lynter bad saw mitar shiteng ka pyngkiang.”