AMOS 8:14 - Khasi CL Bible (BSI)

¹⁴ Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

KA BAIBL

¹⁴ Kita kiba smai da ka pop ka Samaria, bad kiba ong, ‘Katba u im U Blei jong me, ko Dan’; bad, ‘Katba ka im ka rukom Beer-sheba;’ kita keiñ kin kyllon, bad kin ym ïeng shuh lano lano ruh.”

AMOS 8:14 ပူးပေါင်းရင်းမြစ်များ

1 SYIEM 12:32

U Jeroboam u seng ruh ïa ka jingkhawai niam ha ka sngi kaba khatsan jong u bnai uba phra, kum ka jingkhawai niam kaba ha Judah. Ha ka duwan kaba ha Bethel u la kñia ïa ki jingainguh ha kita ki khun masi ksiar kiba u la shna, bad u buh hangta ha Bethel ïa ki lyngdoh kiba shakri ha ki jaka mane kiba u la tei.

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

1 SYIEM 16:24

bad nangta u thied ïa u lum ka Samaria da hynriew hajar ki sbai rupa na u briew uba kyrteng u Shemer. U Omri u la tei ka kut ïa u lum, u tei ka shnong hangta, bad u khot kyrteng ïa ka, ka Samaria, da kaba pynbud ïa ka kyrteng u Shemer, u trai ba-mynshuwa jong uta u lum.

2 SYIEM 10:29

Hynrei u pyrthuh bud ïa ka pop jong u syiem Jeroboam, uba la ïalam ïa ki Israel ban leh pop ha kaba mane ïa ki khun masi ksiar kiba u la pynïeng ha Bethel bad ha Dan.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

SALM 140:10

Ai ba ki rnga barhem kin hap halor jong ki; ai ba kin shah bret shapoh ka thliew bad kin ym lah shuh ban mih.

SALM 36:12

Khmih shano ki riewsniew ki hap, hangtai ki thiah, bad kim lah khie shuh.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 24:20

Ka pyrthei hi kan khih kum u nongbuaid bad khih shane bad shatai kum ka ïingtrep ha ka 'erïong. Ïa ka pyrthei la pynkhia da ki pop jong ka; kan khyllem bad kan ym lah khie khlieh shuh.

ISAÏAH 43:17

U la ïalam ïa ka kynhun shipai bakhlaiñ sha ka jingpynjot, ka kynhun shipai, ki kali ïapom bad ki kulai. Ki kyllon ha madan, kim lah khie shuh, ki lip kum ka thylliej ding ka sharak!

JEREMAÏAH 25:27

Te U Trai u la ong ha nga, “Ïathuh ha ki briew ba ma nga, U Trai Badonbor Baroh, U Blei ki Israel, nga hukum ïa ki ban dih haduh ban da buaid bad ban prie, haduh ba kin da kyllon bad kim lah khie shuh, namar ka thma ba nga phah pyrshah ïa ki.

JEREMAÏAH 51:64

‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

AMOS 5:1

To shahshkor, ko ki paid Israel, ïa kane ka jingrwai leit ontep kaba nga rwai ha phi:

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

AMOS 5:5

Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

MIKAH 1:5

Kane baroh kan jia namar ba ki paid Israel ki la leh pop bad ïaleh pyrshah ïa U Blei. Ïano yn kynnoh na ka bynta ka jingïaleh pyrshah ki Israel? Ka Samaria hi, ka nongbah! Mano ba shah kynnoh ïa ka jingmane bleithaw ha Judah? Ka Jerusalem hi!

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

KI KAM 18:25

La hikai ïa u ha ka Lynti jong U Trai, bad da ka jingshitrhem bakhraw u la pynbna bad hikai khlem bakla ïa ki jingshisha shaphang U Jisu. Pynban u la tip tang ïa ka jingpynbaptis jong u Ïoannis.

KI KAM 19:23

Ka la long ha kaba kum kane ka por ba ka la don ka jingeh kaba jur ha Ephesos namar ka Lynti jong U Trai.

KI KAM 19:9

Hynrei katto katne ngut na ki, ki long kiba mynthi bad kim ngeit, bad ha khmat ka kynhun baroh kawei ki la kren ïa kiei kiei kiba sniew shaphang ka Lynti jong U Trai. Kumta u Paul u la iehnoh ïa ki bad u la ïalam bad u ïa kiba ngeit bad man la ka sngi u la pynlong ki jingïaphylliew jingmut ha ka kamra hikai u Tyrannus.

KI KAM 24:14

Nga phla ïa kane ha me: Nga mane ïa U Blei jong ki kpa tymmen jong ngi da kaba bud ïa kata ka Lynti ïa kaba ki ong ba ka long kaba bakla. Hynrei nga ruh nga ngeit ïa kiei kiei baroh ïa kiba la thoh ha ka Hukum u Moses bad ha ki kitab jong ki nongïathuhlypa.

KI KAM 9:2

U la leit sha u Rangbah Lyngdoh, bad u la pan ïa ki shithi pynithuh sha ki synagog kiba ha Damaskos, khnang ba lada un lap ïano ïano hangta kiba bud ïa ka Lynti jong U Trai, un lah ban kem ïa ki, shynrang bad kynthei bad wallam pat ïa ki sha Jerusalem.

DEUTERONOMI 33:11

Ko Trai, to ïarap ïa ka jait jong ki ba kan nang khlaiñ; To pdiang sngewbha kat ïa kaba ki pyndep, To pynlwet ïa ki nongshun jong ki, Ba kin ym khie khlieh shuh lano lano.”

DEUTERONOMI 9:21

Nga shim ïa kata kaei kaei kaba long hi ka pop — kata ka dur khun masi keiñ kaba phi la thaw bad nga bret ïa ka ha ka ding. Nangta nga pynpait pharia ïa ka, nga tylliat ni ïa ka haduh ba kan da long kum u pui pui, bad nga bret ïa kata ha ka wah kaba tuid na uta u lum.