AMOS 8:12 - Khasi CL Bible (BSI)

¹² Ki briew kin ïaid sakma na ka Duriaw Baïap sha ka Mediterranian bad nangta shuh shuh na shatei shaduh mihngi. Kin ïakhmih kylleng kylleng ïa ka khubor na U Trai, hynrei kin ym shem ïa ka.

KA BAIBL

¹² Bad kin ïa-ïaid shen shen na ka duriaw sha ka duriaw, bad na shatei haduh mihngi; kin ïaphet shane bad shawei ban wad ïa ka ktien U Trai, te kin ym shem ïa ka.

AMOS 8:12 ပူးပေါင်းရင်းမြစ်များ

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 14:6

Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 29:18

Ka jaitbynriew kaba khlem ka jingïalam U Blei ka long ka jaitbynriew ka bym ïaid beit. A suk uta u briew uba sumar ïa ka hukum U Blei!

ESEKIEL 20:3

“Ko khun u briew,” u la ong, “kren ha kine ki nongïalam bad ïathuh ïa ki ba U Trai Nongsynshar u ong: Phi la ïawan ban kylli ïa ka mon jong nga, hato ym dei kumta? Kumba da shisha nga long U Blei uba im, ngan ym shah ïa phi ban kylli ei ei ïa nga. Ma nga, U Trai Nongsynshar nga la kren.

ESEKIEL 20:31

Wat haduh mynta phi ai ïa kijuh ki jingai sngewbha bad pyntngit ïa lade da kijuh ki bleithaw da kaba kñia ïa la ki khun sha ki ha ka ding. Bad nangta ma phi ki Israel phi dang ïai wan ban kylli kaei ka long ka mon jong nga! Kumba da shisha ma nga, U Trai Nongsynshar, nga long U Blei uba im, ngan ym shah ïa phi ban kylli ei ei na nga.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

HOSIA 5:6

Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

MATHAÏOS 12:30

“Uno uno u bym long na ka bynta jong nga, u ïaleh pyrshah shisha ïa nga; uno uno u bym ïarap ïa nga ban lum ban lang u long shisha uba pynsaphred.

1 SAMUEL 3:1

Ha kita ki sngi, haba uta u khynnah Samuel, u shakri ïa U Trai hapoh ka jingïalam u Eli, don tang khyndiat eh ki khubor na U Trai; bad ñiar eh ban don ki jingïohipaw.