AMOS 8:10 - Khasi CL Bible (BSI)

¹⁰ Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

KA BAIBL

¹⁰ Te ïa Ki Jingkhawai Niam jong phi ngan pynkylla ïam, bad ïa ki jingrwai jong phi ka jingïambriew; bad ngan wallam ka jaiñ byrni ban long ha ki syngkai baroh, bad ka jingdkhaw khlieh ha baroh; bad ngan pynlong ïa ka kum ka jingïambriew ïa u khun marwei, bad ïa ka bakut jong ka kum ka sngi bakthang.

AMOS 8:10 ပူးပေါင်းရင်းမြစ်များ

JENESIS 21:16

bad ïa lade ka leit shong kumba shispah mitar na kata ka jaka. Ka ong ha lade, “Ngam lah shah ban ïohi ïa la u khun ba u ïap.” Katba ka dang shong hangta, ka la sdang ban ïam.

Ka Kitab U Job 20:23

Ai un bam kat kaba u kwah! U Blei un pynshitom ïa u ha ka jingbitar shla.

Ka Kitab U Job 3:5

Pynlong ïa ka, ka sngi jong ka jingdum tliw bad synñia; kah ïa ka da ki lyoh, bad tap noh ïa ka sngi.

Ka Kitab U Job 30:31

Haba shisien mynshuwa nga la ïohsngew ïa ki sur bakmen, mynta nga ïohsngew tang ka jingïambriew bad ka jingïam.

ISAÏAH 3:24

Ha ka jaka ba kin sleh jingiwbih kin sma iwkhong; ha ka jaka ki panpoh ba-itynnat kin teh da ki tyllai barew; ha ka jaka ban don u shñiuh ba-itynnat kin long kiba lyndum; ha ka jaka ki jaiñ ba-itynnat kin phong ki jaiñjot; ka jingbhabriew jong ki kan kylla sha ka jinglehrain.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SNGEWSYNEI 5:15

Ka jingkmen ka la duh noh na ki jingim jong ngi; ka jingsngewsih ka la shim ïa ka jaka jong ki jingshad jong ngi.

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

ESEKIEL 7:2

“Ko khun u briew,” u ong, “kane ka long kaei kaba ma nga, U Trai Nongsynshar nga kren ïa ka ri Israel: Kane ka dei kaba kut ïa ka ri baroh kawei!

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

JOEL 1:8

To ïam, phi ki briew, kum ka samla kaba ïambriew ïa ka jingïap jong u briew uba kan sa shongkurim.

LEBITIKOS 13:40

Lada u briew u hap shñiuh na shadien ne na sha khmat ka khlieh jong u, kata kam pynlong ïa u bymkhuid.

AMOS 5:21

U Trai u ong, “Nga isih ïa ki Jingkhawai Niam jong phi; ngam lah shah ïa ki!

AMOS 5:23

Keiñ noh kaba rwai da ka sur bajam; ngam kwah ban sngap ïa ki duitara jong phi.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

DEUTERONOMI 16:14

To ïalehkmen ïa ka lem bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi.