AMOS 7:4 - Khasi CL Bible (BSI)

⁴ Nga la ïoh kawei pat ka jingïohipaw na U Trai Nongsynshar. Ha ka, nga la ïohi ïa u ba u dang pynkhreh ban pynshitom ïa ki briew jong u da ka ding. Ka ding ka la thang lut ïa ka duriaw-bah bakhraw hapoh ka sla pyrthei, bad ka la sdang ban bam duh ïa ka khyndew.

KA BAIBL

⁴ U Trai U Blei u la pyni ha nga kumne: bad ha khmih, U Trai U Blei u la khot ïaleh da ka ding; te ka la jliah lut ïa ka jingjylliew bah, bad ka la thew ban bam ïa ka khyndew.

AMOS 7:4 ပူးပေါင်းရင်းမြစ်များ

ISAÏAH 27:4

Ngam bitar shuh ïa ka bri sohwaiñ. Tang lada ki don ki shiah bad ki shiah buid ban hap ban ïakhun pyrshah, te ngan thang ïa ki baroh.

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

JOEL 1:19

Nga pyrta sha me, ko Trai, namar ki jaka phlang bad ki dieng ki la tyrkhong, kumba ka ding ka la thang ïa ki.

JOEL 2:30

“Ngan ai ki jingmaham shaphang kata ka sngi ha ka suiñbneng bad ha ka khyndew; kan don ka jingumsnam, ka ding bad ki lyoh tdem.

LEBITIKOS 10:2

Kynsan U Trai u phah ïa ka ding, bad kata ka thang ïa ki hangta ha khmat jong U Trai haduh ba kin da ïap.

AMOS 1:4

Kumta ngan phah ka ding ha ka ïingsyiem ba la tei da u syiem Hasael, bad ngan thang duh ïa ki kut jong u syiem Benhadad.

AMOS 1:7

Kumta ngan phah ka ding ha ki kynroh nongbah ka Gasa, bad kan thang duh ïa ki kut jong ka.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

AMOS 7:1

Nga la ïoh ka jingïohipaw na U Trai Nongsynshar. Ha ka nga la ïohi ïa u ba u pynmih shi kynhun ki puit tang hadien ba la ot noh ïa u skum uba long ka bynta u syiem bad u phlang u la sdang ban mih biang.

AMOS 7:7

Nga la ïoh kawei pat ka jingïohipaw na U Trai. Ha ka, nga ïohi ïa u ba u dang ïeng marsyndah ka kynroh ïa kaba la tei da ka jingïarap u sawar, bad la don u sawar ha ka kti jong u.

MIKAH 1:4

Te ki lum kin um hapoh jong u kum ka bthing ha ka ding, kin noh sha ki jaka them kum ka um batuid arsut ïa u lumrit.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

JINGKHEIÑ 16:35

Nangta U Trai u phah ïa ka ding kaba meh, bad ka bam duh khoit ïa kita ki arspah sanphew ngut ki briew kiba la wanrah ïa ki jingiwbih.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

HEBRU 1:7

Hynrei shaphang kita ki angel U Blei u la ong, “U Blei u la pynlong ïa la ki angel kum ki lyer, bad ïa ki shakri jong u kum ki thylliej ding.”

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”