AMOS 7:17 - Khasi CL Bible (BSI)

¹⁷ Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

KA BAIBL

¹⁷ namar kata, U Trai u ong kumne: “Ka tnga jong me kan sa long ka nuti ha ka shnong, bad ki khun shynrang bad ki khun kynthei jong me kin kyllon da ka waitlam, bad ïa ka khyndew jong me yn sam da u ksai: bad ma me hi men ïap ha ka ri ka bymkhuid, bad shisha shisha, yn ïalam mraw ïa ki Israel na la ka jong ka ri.”

AMOS 7:17 ပူးပေါင်းရင်းမြစ်များ

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

SALM 78:55

U la beh noh ïa ki nongshong shnong katba ki briew jong u ki dang jam shaphrang; u la pynbynta ïa ka ri jong ki hapdeng ki jait jong ka Israel bad u la ai ïa ki ïing jong ki ha ki briew jong u.

ISAÏAH 13:16

Katba ki dang khmih ha ka jingbymlah leh ei ei, ïa ki khunlung jong ki yn tied pynïap, ïa ki ïing jong ki yn lute, bad ïa ki tnga jong ki yn batbor.”

ISAÏAH 22:18

Un shim ïa me kum ïa ka bol bad un kynting sha ka ri kaba kham khraw. Men ïap hangta hajan ki kali ïapom kiba me, me la sngewsarong. Me long ka jingjahburom ïa ka longïing jong u kynrad jong me.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 20:6

Na ka bynta jong me, ko Pashhur, ïa me bad ïa ka longïing jong me baroh yn kem ruh bad rah sha Babilonia. Hangta men ïap bad yn tep, lem bad ki paralok jong me baroh ïa kiba me la lah ïathuh bun ki jinglamler.’ ”

JEREMAÏAH 28:12

Katto katne por hadien kane, U Trai u la bthah ïa nga

JEREMAÏAH 28:16

Bad kumta U Trai hi u ong ba un weng noh ïa me. Ha shuwa ban kut kane ka snem men ïap namar me la ong ïa ki briew ban ïeng ïaleh pyrshah ïa U Trai.”

JEREMAÏAH 29:21

“U Trai Badonbor Baroh, U Blei ki Israel, u la kren shaphang u Ahab u khun jong u Kolaïah bad u Sedekaïah u khun jong u Maaseïah, kiba ïathuh ki jinglamler ha ka kyrteng jong U. U la ong ba un aiti ïa ki ha ka bor jong u Nebukhadnessar u syiem ka Babilonia, u ban pynïap ïa ki ha khmat jong phi.

SNGEWSYNEI 5:11

Ïa ki tnga jong ngi la batbor ha u lum Seïon hi; ha man ki nongrit ka Judia ïa ki khun kynthei jong ngi la pynbor ban pyndem.

ESEKIEL 4:13

U Trai u la ong, “Kane ka long kum ka dak ba ki Israel ki hap ban bam ïa ka jingbam ba ka Aiñ ka khang, haba ngan pynsakma ïa ki sha ki ri nongwei.”

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

AMOS 6:7

Kumta phin long kiba nyngkong ban leit sha ka jinglongmraw. Ki jingkhawai bad ki jingïadih ïabam sngewbha jong phi kin kut noh.

AMOS 7:11

Kane ka long kaei kaba u ong, ‘U Jeroboam un ïap ha ka thma, bad ki briew ka Israel kin shah ringmraw na la ka ri.’ ”

AMOS 8:1

Nga la ïoh kawei pat ka jingïohipaw na U Trai Nongsynshar. Ha ka, nga la ïohi shi shang ki soh.

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.

AMOS 9:8

Ma nga, U Trai Nongsynshar, nga khmih ïa kane ka hima Israel kaba pop, bad ngan pynjot ïa ka na sla khyndew. Hynrei ngan ym pynjot ïa baroh ki khun ki ksiew u Jakob.

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.