AMOS 7:13 - Khasi CL Bible (BSI)

¹³ Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

KA BAIBL

¹³ hynrei, wat ïathuhlypa shuh ha Bethel: naba ka long ka jaka kyntang u syiem, bad ka jaka bashong u syiem.”

AMOS 7:13 ပူးပေါင်းရင်းမြစ်များ

1 SYIEM 12:29

U buh ïa uwei u khun masi ksiar ha Bethel bad ïa uwei pat ha Dan.

1 SYIEM 12:32

U Jeroboam u seng ruh ïa ka jingkhawai niam ha ka sngi kaba khatsan jong u bnai uba phra, kum ka jingkhawai niam kaba ha Judah. Ha ka duwan kaba ha Bethel u la kñia ïa ki jingainguh ha kita ki khun masi ksiar kiba u la shna, bad u buh hangta ha Bethel ïa ki lyngdoh kiba shakri ha ki jaka mane kiba u la tei.

1 SYIEM 13:1

Ha ka hukum jong U Trai, u nongïathuhlypa na Judah u leit sha Bethel bad u la poi hangta hamar ba u Jeroboam u ïeng ha ka duwan ban kñia jingainguh.

2 SYIEM 14:24

U leh pop pyrshah ïa U Trai, da kaba bud ïa ki jingleh bymman jong uba ha shuwa jong u, u syiem Jeroboam u khun jong u Nebat, uba la ïalam ïa ki Israel ban leh pop.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

JEREMAÏAH 26:9

Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

AMOS 2:12

Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 5:5

Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

AMOS 7:16

Kumta mynta, to shahshkor ïa kaei kaba U Trai u ong. Me bthah ïa nga ban sangeh kaba ïathuhlypa, ban sangeh kaba kren lamwir pyrshah ïa ki briew ka Israel.

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.