AMOS 7:12 - Khasi CL Bible (BSI)

¹² Nangta u Amasaïah u ong ha u Amos, “Kata ka la biang, ko nongïathuhlypa, khie leit noh sha Judah bad leh ïa ka kam ïalap jong me hangta, bad sa ïathuhlypa de hangta. Ai ba kin siew ïa me na ka bynta kata.

KA BAIBL

¹² U Amasaïah u la ong ha u Amos ruh, “A me u nongïohi, khie leit, phet ïap noh me sha ka ri Judah, bad to bam kpu hangta, bad to ïathuhlypa hangta:

AMOS 7:12 ပူးပေါင်းရင်းမြစ်များ

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

ESEKIEL 13:19

Phi pynjahburom ïa nga ha khmat ki briew jong nga khnang ban ïoh katto katne kham u barli bad khyndiat tylli ki lyngkhot kpu. Phi pynïap ïa ki briew ki bym dei hok ban ïap, bad phi pynsah im ïa ki briew ki bym dei hok ban im. Kumta phi ïathuh ki jinglamler ha ki briew jong nga, bad ki ngeit ïa phi.”

AMOS 2:12

Hynrei phi la pynlong ïa ki Nasir ban dih waiñ, bad phi la hukum ïa ki nongïathuhlypa ban ym kren ïa ka khubor jong nga.

AMOS 7:11

Kane ka long kaei kaba u ong, ‘U Jeroboam un ïap ha ka thma, bad ki briew ka Israel kin shah ringmraw na la ka ri.’ ”

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 8:34

Kumta uwei uwei baroh na ka shnong ki la ïamih ban ïakynduh ïa U Jisu; bad haba ki la ïohi ïa u, ki la kyrpad ïa u ba un leit noh na ka thain jong ki.

LOUKAS 13:31

Ha kata ka por katto katne ngut ki Pharisi ki la wan sha U Jisu bad ki la ong ha u, “Me dei ban phet noh nangne bad leit shawei pat, namar u Herod u kwah ban pynïap ïa me.”

KI KAM 16:39

Kumta ki la leit bad pan map na ki; nangta ki la ïalam noh ïa ki shabar jong ka byndi bad ki la kyrpad ïa ki ban mihnoh na ka nongbah.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 PETROS 5:2

Nga kyntu ïa phi ban long ki nongsharai ïa ka kynhun ïa kaba U Blei u la ai ha phi bad ban sumar ïa ka da ka mon sngewbha, kumba U Blei u kwah ïa phi, bad ym da kaba shu pynbor. Trei ïa la ka kam, ym tang na ka bynta ka bainong, hynrei na ka jingthrang ban shakri.

1 SAMUEL 2:36

Kat uba dang sah na ki khun ki ksiew jong me un leit ha uta u lyngdoh bad pan na u ïa ka pisa bad ka jingbam, bad kyrpad ïa u ban shah ba un ïarap ïa ki lyngdoh khnang ba un ïoh ei ei ban bam.”

1 SAMUEL 9:9

U Saul u jubab, “Ka jingai jingmut jong phi kaba dei! Ïa ngin ïaleit.” Kumta ki leit sha kata ka shnong ha kaba uta u riewkhuid u shong. Katba ki dang ïakiew ïa ka thiep sha kata ka shnong, ki ïakynduh ïa ki samla kynthei kiba dang leit tong um. Ki kylli ïa kita ki samla kynthei, “Uto u nongïohipaw u don ha shnong?” (Ha kata ka por, ha Israel, ïa u nongïathuhlypa la ju khot u nongïohipaw, bad kumta haba uno uno u briew u kwah ban kylli ei ei na U Blei, u ju ong, “Ïa ngin ïaleit sha u nongïohipaw.”)