AMOS 7:10 - Khasi CL Bible (BSI)

¹⁰ Amasaïah, u lyngdoh ka Bethel, u la phah ka khubor sha u Jeroboam u syiem ka Israel: “U Amos u la ïasylla pyrshah ïa phi hapdeng ki briew. Ki jingkren jong u kin pynjot ïa ka ri.

KA BAIBL

¹⁰ Ynda kumta, u Amasaïah u lyngdoh ka Bethel u la phah ha u Jeroboam u syiem ki Israel, u da ong, “U Amos u la shet pyrshah ïa me hapdeng ka ïing Israel: ka ri kam lah shah ïa ki ktien jong u baroh.

AMOS 7:10 ပူးပေါင်းရင်းမြစ်များ

JENESIS 37:8

“Hato me pyrkhat ba men sa long u syiem bad synshar ïa ngi?” Ki hynmen shynrang jong u ki ong. Kumta ki la nang kham isih shuh shuh ïa u namar ki jingphohsniew jong u bad namar kaei kaba ba u la kren shaphang jong ki.

1 SYIEM 13:33

U syiem Jeroboam jong ka Israel um shym phai noh na ki lynti bymman jong u, hynrei u ïai jied ïa ki lyngdoh napdeng ki longïing riewpaidbah ban shakri ha ki duwan kiba u la tei. U pynkyntang kum u lyngdoh ïa uno uno kat uba kwah ban long u lyngdoh.

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 36:16

Hadien ba u la lah pule ïa ka, ki la ïaphai uwei sha uwei pat ha ka jingsngew sheptieng, bad ki la ong ha u Barukh, “Ngi dei ban ïathuh ïa kane ha u syiem.”

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 5:10

Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

AMOS 5:5

Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

AMOS 7:11

Kane ka long kaei kaba u ong, ‘U Jeroboam un ïap ha ka thma, bad ki briew ka Israel kin shah ringmraw na la ka ri.’ ”

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

KI KAM 24:5

Ngi la shem ïa une u briew ba u long ka jingpynwit kaba shyrkhei; u sdang ïa ka jingkhihwin hapdeng ki Jiw ha kylleng jong ka pyrthei bad u long u nongïalam jong ka kynhun kaba na Nasareth.

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.