AMOS 6:4 - Khasi CL Bible (BSI)

⁴ Katno kaba sngewshyrkhei kan long ïa phi kiba thiah halor ki jingthiah baremdor, kiba ïakhawai da ki khun masi bad khunlangbrot!

KA BAIBL

⁴ kiba thiah ha ki jingthiah bniat hati, bad kiba kyrbeit ïa lade ha la ki palong, bad kiba bam ïa ki khun langbrot na ka kynhun, bad ïa ki khun masi napdeng ka sem;

AMOS 6:4 ပူးပေါင်းရင်းမြစ်များ

JENESIS 37:25

Katba ki dang ïabam, kynsan ki la ïohi shi kynhun ki nong Ishmael kiba wan ïaid lynti na Gilead sha Ijipt. Ïa ki ut jong ki la pynkit ïa ki musli musla bad ki jingiwbih.

ESTHER 1:6

Ïa ka ïingsyiem la pynitynnat da ki pyrda bajngum bad balieh, ba la teh da ki tyllai linen sawjngum bani ha ki syrwiang rupa bad pyndait ha ki rishot maw marbl. Ïa ki jaka shong shaniah ha ka ïingsyiem, la shna da ka ksiar bad ka rupa, bad ïa ka madan la siang da u maw marbl balieh, maw marbl basaw, u mawkordor baphyrnai, bad u mawkordor bajngum.

SALM 73:7

ki dohnud jong ki, ki theh noh ïa kaba sniew, bad ki jingmut jong ki, ki bunkam da ki jingthmu bymman.

ISAÏAH 22:13

Pynban, phi ïa-rkhie bad phi ïalehkmen. Phi pynïap ïa ki langbrot bad ki masi ban bam, bad phi dih waiñ. Phi ong, “Ngi lah ruh ban ïabam bad ïadih! Lashai ngin ïap.”

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

JEREMAÏAH 16:8

“Wat rung shapoh ka ïing ha kaba ki briew ki ïakhawai. Wat shong bad ki ban bam bad dih.

ESEKIEL 16:49

Ma ka bad ki khun kynthei jong ka ki la sngewsarong namar ki la don kyrhai ban bam bad im ha ka jingsuk bad ka jingjar jar, hynrei kim shym la sumar ïa kiba duk bad ïa kiba rangli.

ESEKIEL 23:41

Ki da shong ha ki jingthiah ba-itynnat, bad ha khmat jong ki kin buh ïa ka miej ba la dap da kiei kiei kiba bha, ba kynthup ïa ki jingiwbih bad ka umphniang Olib kaba nga la ai ha ki.

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

LOUKAS 16:19

“La don shisien uwei u briew uba riewspah uba la riam ha ki jaiñ kiba remdor eh bad uba im ha ka jingpahuh bakhraw man la ka sngi.

JAKOB 5:5

Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.