AMOS 6:3 - Khasi CL Bible (BSI)

³ Phi kyntait ban pdiang ba ka sngi jong ka jingjot ka wan, hynrei kaei ba phi leh ka long tang ban pynjan ïa kata ka sngi.

KA BAIBL

³ Phi kiba pynjngai ïa ka sngi ka basniew, bad ba pynwan hajan ïa ka jingshong ka jingleh-jubor;

AMOS 6:3 ပူးပေါင်းရင်းမြစ်များ

SALM 94:20

Mem don ei ei ban leh ïa ki nongsynshar bymhok, kiba pynlong ïa ka jingbymhok ban ksan,

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

ISAÏAH 47:7

Pha pyrkhat ba phan ïailong ka syiem, bad pham shym la shim khia ïa kine kiei kiei lane pyrkhat kumno ba kine baroh kin kut.

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

SNGEWSYNEI 4:5

Ki briew kiba shisien ki la bam ïa ki jingbam kiba kynsai tam ki ïapthngan ha ki lynti bah; kito kiba la heh la san ha ka pahuh pahai ki kraid lyngba ka jakhlia na ka bynta ka jingbam.

ESEKIEL 12:22

“Ko khun u briew,” u la ong, “balei ki paid Israel ki ïai-ong ïa kane ka proberb: ‘Ka por ka leit noh, bad ki jingïathuh lypa kim urlong?’

ESEKIEL 12:27

“Ko khun u briew, ki Israel ki pyrkhat ba ki jingïohipaw bad ki jingïathuhlypa jong me ki dei shaphang ka lawei kaba dang slem.

ESEKIEL 23:42

Lah ban ïohsngew ïa ka sur jingsawa jong ki paidbah ba leh sngewbha, ka kynhun ki rangbah ba la wanrah na ka ri shyiap. Ki pyndeng ïa ki khadu ha ki kti ki kynthei bad ki pansngiat ba-itynnat ha ki khlieh jong ki.

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

AMOS 5:18

Katno kaba sngewshyrkhei kan long ïa phi kiba angnud ïa ka sngi U Trai! Kaei kaba bha ba kata ka sngi kan long ïa phi? Na ka bynta jong phi kan long tang ka sngi jong ka jingdum, bad ym jong ka jingshai.

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

AMOS 9:10

Ïa ki nongpop napdeng ki briew jong nga yn pynïap ha ka thma — ïa kito baroh kiba ong ‘U Blei un ym shah ïa kano kano ka jingma ban wan hajan jong ngi.’ ”

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

MATHAÏOS 24:48

Hynrei lada u long u shakri uba sniew, un ong ha lade ba u kynrad jong nga un wan slem,

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

2 PETROS 3:4

Kin ibeiñ ïa phi bad kin kylli, “U la kular ban wan, hato um shym la kular kumta? Hangno u don? Ki kpa tymmen ki la lah ïap, hynrei kiei kiei baroh ki dang ïaisah kumjuh kum mynba la pynlong ïa ka pyrthei!”

JINGPYNPAW 18:17

Bad ha ka shi kynta ka la duh lut ïa kane ka spah!” Baroh ki kapten jong ki liengbah bad ki nongshong lieng, ki maji bad baroh kiwei pat kiba la ïoh kamai na ka duriaw, ki la ïeng na sha jngai bah,