AMOS 6:2 - Khasi CL Bible (BSI)

² Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

KA BAIBL

² To ïaid haduh Kalneh, bad to khmih; bad nangta to leit haduh ka Hamath bah: ynda kumta, leit hiar sha Gath jong ki Philistia: hato ki kham bha ban ïa kine ki hima? lane ki pud hima jong ki, ki kham jrong ban ïa ka pud hima jong phi?

AMOS 6:2 ပူးပေါင်းရင်းမြစ်များ

JENESIS 10:10

Ha kaba sdang, ka hima jong u ka kynthup ïa ka Babilon, ka Erek, bad ka Akkad, kiba don baroh ha ka ri Babilonia.

2 SAMUEL 8:9

U Toi u syiem Hamath u ïohsngew ba u Dabid u la jop ïa baroh ka kynhun ïapom jong u Hadadeser.

1 SYIEM 8:65

Hangta ha ka Templ, u Solomon bad ki paid Israel baroh ki rakhe ïa ka Jingkhawai Niam Ki Ïingtrep ha ki hynñiew sngi. Hangta la don u paidbah bynriew babun naduh ki jaka kiba jngai kum ka Khim Hamath shaphang shatei bad ka u pud ka Ijipt shaphang shathie.

2 SYIEM 17:24

U patsha ka Assyria u wallam ïa ki briew na ki nongbah Babilon, Kuth, Ibbah, Hamath, bad Sepharbaim, bad pynshongduh ïa ki ha ki nongbah ka Samaria, ha ka jaka jong ki Israel ba la shah ringmraw. Ki shimti ha lade ïa kine ki nongbah bad ki sah hangta.

2 SYIEM 17:30

Ki briew ka Babilon ki thaw ïa ki bleithaw jong u blei Sukkoth Benoth; ki briew ka Kuth, ki bleithaw jong u Nergal; ki briew ka Hamath, ki bleithaw jong u Ashima; ki briew ka Ibbah.

2 SYIEM 18:34

Shano ki don mynta, ki blei jong ka Hamath bad ka Arpad? Shano ki blei jong ka Sepharbaim, ka Hena, bad ka Ibbah? Hato don na ki kiba la pyllait im ïa ka Samaria?

2 SYIEM 19:13

Shano ki syiem jong ki nongbah Hamath, Arpad, Sepharbaim, Hena, bad Ibbah?”

2 KHRONIKL 26:6

U Ussaïah u leit ïaleh thma pyrshah ïa ki Philistia. U pyntwa ïa ki kynroh jong ki nongbah jong ka Gath, ka Jamnia, bad ka Ashdod; bad u tei ïa ki shnong ba la ker kynroh hajan ka Ashdod bad ha ki jaka basah jong ki Philistia.

JEREMAÏAH 49:23

Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

NAHUM 3:8

Ko Ninebeh, hato pha kham bha ban ïa ka Thebes, ka nongbah jong ka Ijipt? Ma ka ruh ka la don ka wah ban ïada ïa ka kum ka kynroh — Ka wah Nile ka la long kum ka jingker jong ka.

1 SAMUEL 17:23

Katba u dang ïakren bad ki, u Goliath u mih sha khmat bad u kob ïa ki Israel kumba u la leh mynshuwa. Bad u Dabid u ïohsngew ïa u.

1 SAMUEL 17:4

U briew uba kyrteng u Goliath, uba na ka shnong Gath, u wan mih na ka jaka sher dara ki Philistia ban kob ïa ki Israel. U jrong kumba lai mitar

1 SAMUEL 5:10

Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”

1 SAMUEL 5:8

Kumta ki phah ïa ki nonglamktien bad khot lang ïa baroh san ngut ki syiem Philistia bad kylli ïa ki, “Ngin leh kumno ïa kane ka Synduk ka Jutang jong U Blei ki Israel?” “Leit rah ïa ka sha Gath,” ki la jubab; kumta ki bah ïa ka sha Gath, kawei pat ka nongbah ki Philistia.