AMOS 6:14 - Khasi CL Bible (BSI)

¹⁴ U Trai U Blei Badonbor Baroh da lade u ong, “Ko ki paid Israel, ngan phah ïa ka kynhun shipai nongwei ban knieh ïa ka ri jong phi. Kan banbeiñ ïa phi naduh ka Khim Hamath bashaphang shatei haduh ka wahduid Arabah bashaphang shathie.”

KA BAIBL

¹⁴ “Naba, ha khmih, ngan pynïeng pyrshah ïa phi da ka jaid bynriew, A ka ïing Israel, ong U Trai, U Blei ki paid; te kin pynjynjar ïa phi naduh kaba rung sha Hamath haduh i wah duid jong ka Arabah.”

AMOS 6:14 ပူးပေါင်းရင်းမြစ်များ

2 SYIEM 14:25

U kurup pat ïa ka ri baroh kaba dei jong ki Israel, naduh ka Khim Hamath ha ka phang shatei shaduh ka Duriaw Baïap ha ka phang shathie. Kane ka long kaei kaba U Trai, U Blei ki Israel, u la kular lyngba u shakri jong u, u Jonah u nongïathuhlypa, u khun jong u Amittai, uba na Gath Hepher.

1 SYIEM 8:65

Hangta ha ka Templ, u Solomon bad ki paid Israel baroh ki rakhe ïa ka Jingkhawai Niam Ki Ïingtrep ha ki hynñiew sngi. Hangta la don u paidbah bynriew babun naduh ki jaka kiba jngai kum ka Khim Hamath shaphang shatei bad ka u pud ka Ijipt shaphang shathie.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

ISAÏAH 7:20

“Haba kata ka por ka poi, U Trai un wai uwei u nongkhap shñiuh na sha shiliang ka wah Ïuphratis — u patsha jong ka Assyria! — bad un khi ïa ki tmain jong phi bad ïa ki shñiuh halor ki khlieh bad ki met jong phi.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

ESEKIEL 47:20

“Ïa u pud sepngi la pynlong da ka Mediterranian bad u ïaid shaphang shatei shaduh ka bynta kaba ha sepngi jong ka Khim Hamath.

AMOS 3:11

Bad kumta, u nongshun un kerkut ïa ka ri, un pyntwa ïa ki jingker jong ki, bad un lute ïa ki ïing paki dulan jong ki.”