AMOS 6:10 - Khasi CL Bible (BSI)

¹⁰ U ba-ha-ïing jong u briew uba ïap, uta uba dei khmih ïa ka jingleit ontep, un sei shabar ïa ka metïap na ka ïing. Uba ha ïing un khot ïa uno uno ba dang sah hapoh ïing, “Dang don mano mano bad phi hangto?” Ka sur kan jubab, “Em!” nangta u ba-ha-ïing un sa ong, “Sngap jar! Ngi dei ban sumar wat ban ym ong ei ei ïa ka kyrteng U Trai.”

KA BAIBL

¹⁰ Bad haba u kñi jong u briew uba la ïap un rah noh ïa u, wat uta uba thang ïa u, ïa ka ban pynmih noh ïa ki shyieng na ïing, bad un ong ha uta uba sha kyndong eh jong ka ïing, ‘Dang sah mano mano ruh bad me?’ u te un ong, ‘Em’; ynda kumta, un ong, ‘To sngap jar noh; naba ngim bit shuh ban ong ïa ka kyrteng U Trai.’ ”

AMOS 6:10 ပူးပေါင်းရင်းမြစ်များ

2 SYIEM 23:16

Nangta u Josaïah u peit baroh sawdong, bad ïohi katto katne ki jingtep hangta halor lum; u sei shabar ïa ki shyieng na ki bad u thang ha ka duwan. Ha kane ka rukom u ñiewsang ïa ka duwan, u leh ïa kaei kaba u nongïathuhlypa u la ïathuh lypa mynshuwa eh ha ka por ka jinglehniam katba u syiem Jeroboam u dang ïeng hajan ka duwan. U syiem Josaïah u peit sawdong bad ïohi ïa ka jingtep jong u nongïathuhlypa uba la ïathuhlypa ïa kane.

2 SYIEM 6:33

Katba un da dep kren ïa kane, haba u syiem u wan poi bad u la ong, “U long U Trai uba la wallam ïa kane ka jingjynjar ha ngi! Balei ba ngan ap slem ïa u ban leh ei ei?”

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 44:26

Hynrei mynta to shahshkor ïa ka jingsmai kaba ma nga U Trai, nga la pynlong ha ka kyrteng bakhrawbor jong nga sha phi ki Israel baroh kiba don ha Ijipt: ngan ym shah shuh ïano ïano na phi ban pyndonkam ïa ka kyrteng jong nga ban pynlong jingsmai da kaba ong, ‘Nga smai da U Trai Nongsynshar uba im!’

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

AMOS 5:13

Bad kumta, kaba sngap jar ha kum kita ki por kiba sniew ka long kaba sian ban leh.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

JINGKHEIÑ 17:12

Ki paid Israel ki ong ha u Moses, “Te kata ka dei kaba kut ïa ngi!

1 SAMUEL 31:12

baroh ki riewshlur ki leit bad ki ïaid baroh shi miet sha Beth Shan. Ki shim noh ïa ki met jong u Saul bad jong ki khun shynrang jong u na kata ka kynroh, ki wallam pat ïa ki sha Jabesh, bad ki thang ïa ki hangta.