AMOS 6:1 - Khasi CL Bible (BSI)

¹ Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

KA BAIBL

¹ “Kordit ïa kita kiba shongsuk ha Seïon, bad ïa kita kiba sngewskhem ha u lum Samaria, kiba donnam na ki bakongsan jong ki jaid bynriew, ha kiba ka ïing Israel ka wan!

AMOS 6:1 ပူးပေါင်းရင်းမြစ်များ

1 SYIEM 16:24

bad nangta u thied ïa u lum ka Samaria da hynriew hajar ki sbai rupa na u briew uba kyrteng u Shemer. U Omri u la tei ka kut ïa u lum, u tei ka shnong hangta, bad u khot kyrteng ïa ka, ka Samaria, da kaba pynbud ïa ka kyrteng u Shemer, u trai ba-mynshuwa jong uta u lum.

SALM 123:4

La slem ngi la shah rkhiebeiñ ha kiba riewspah, la ibeiñ da ki nongbanbeiñ kiba sarong.

PROBERB 1:32

Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

JEREMAÏAH 49:31

‘To wan, ngin leit tur ïaleh ïa kito ki briew kiba sngewshngain bad sngewskhem! Ka nongbah jong ki, kam don ki khyrdop ne ki tala bad kam don jingïada ei ei.’

JEREMAÏAH 5:5

Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

AMOS 9:10

Ïa ki nongpop napdeng ki briew jong nga yn pynïap ha ka thma — ïa kito baroh kiba ong ‘U Blei un ym shah ïa kano kano ka jingma ban wan hajan jong ngi.’ ”

MIKAH 3:1

To shahshkor, phi ki nongsynshar ki Israel! Phi la dei ban sngewkhia shaphang ka jingbishar hok,

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

JAKOB 5:5

Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.

1 PETROS 5:7

To buh ha u ïa ki jingkhuslai jong phi baroh, namar u sumar sukher ïa phi.

NONGBISHAR 18:7

Kumta kita ki rangbah san ngut ki mihnoh bad ki leit sha ka shnong Laish. Ki ïohi kumno ki briew hangta ki ïashong shngain, kumba long ki nong Sidon. Ki long kiba ïashongsuk bad ki briew kiba jar jar, kim don jingïania badno badno; ki don lut kat kaba ki donkam. Ki shong kham jngai na ki nong Sidon bad kim pynïadei bad kiwei ki briew.