AMOS 5:7 - Khasi CL Bible (BSI)

⁷ Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

KA BAIBL

⁷ phi kiba pynkylla 'hur kthang ïa ka jingbishar, bad kiba pynkyllon ha ka khyndew ïa ka hok.

AMOS 5:7 ပူးပေါင်းရင်းမြစ်များ

SALM 125:5

Hynrei haba me pynshitom ïa ki bymman, to pynshitom ruh ïa kito kiba lyndet ïa ki lynti jong me. To long ka jingsuk ïa ki Israel!

SALM 36:3

Ka jingkren jong u ka long kaba thala bad kaba dap da ka jingshukor; um shym leh shuh ïa kaba dei bad kaba bha.

PROBERB 21:7

Ïa ki bymman la pynrem da ka jingleh jubor jong ki hi; ki kyntait ban leh ïa kaei kaba dei.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 10:1

Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

ISAÏAH 5:20

Phi long ba la tim! Phi khot kaba bha ïa kaba sniew bad kaba sniew ïa kaba bha. Phi pynphai ïa ka jingdum sha ka jingshai bad ïa ka jingshai sha ka jingdum. Phi pynlong kaba thiang ïa kaba kthang bad kaba kthang ïa kaba thiang.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

ESEKIEL 33:18

Haba u briew uba hok u keiñ noh na kaba leh ïa kaba bha bad u sdang ban leh ïa kaba sniew, un ïap na ka bynta kata.

HOSIA 10:4

Ki kren ki ktien bym don jingmut bad pynlong ki jingkular lamler bad ki jingïateh kular bymlarkam. Ka hok ka kylla long bymhok, ka nang san kum ki ñiut ba long bih ha ka lyngkha ba la dep lur.

AMOS 2:3

Ngan pynïap ïa u nongsynshar ka Moab bad ïa ki nongïalam baroh jong ka ri.”

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

HABAKKUK 1:4

Ka aiñ ka tlot bad kam myntoi ei ei, bad ym ju don ka jingbishar hok. Ki briew kiba sniew ki ïoh ïa kaba kham bha ban ïa kiba hok, bad kumta ïa ka jingbishar hok la pynjngut.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

DEUTERONOMI 29:18

Pynthikna ba yn ym don napdeng jong phi u shynrang, lane ka kynthei, lane ka longïing, lane ka jait, ki ban phai noh na U Trai U Blei jong phi ban mane ïa ki blei jong kiwei pat ki jaitbynriew. Kum uta, un long kum u thied uba pynmih u soh uba kthang bad uba don bih.