AMOS 5:6 - Khasi CL Bible (BSI)

⁶ Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

KA BAIBL

⁶ To wad ïa U Trai, te phin im; ïoh ba un mih noh kum ka ding ha ka ïing u Joseph, bad ba kan bam duh noh bad ba yn ym don ban pynlip ïa ka ha Bethel:

AMOS 5:6 ပူးပေါင်းရင်းမြစ်များ

2 SAMUEL 19:20

Nga tip, kynrad, ba nga la leh pop, bad dei kane keiñ balei ba nga long uba nyngkong na ki jait bashaphang shatei ban wan bad ïakynduh ïa U Syiem Kynrad ha kane ka sngi.”

1 SYIEM 11:28

U Jeroboam u long u samla uba dap shynrang, bad haba u Solomon u ïohi katno ba u long uba trei shitom, u buh ïa u ban pynïaid ïa ki nongtrei ba shu pynbor ha ka thain jong ki jait Manasseh bad Ephraim.

2 KHRONIKL 34:25

Ki la kyntait ïa nga bad ki la ai jingkñia ha kiwei ki blei, bad kumta ki la pynkhih ïa ka jingbitar jong nga da baroh kaba ki la leh. Ka jingbitar jong nga ka la khie buk, bad ngan ym pynjah kumto.

SALM 27:8

Haba me ong, “Wan bad mane ïa nga,” nga jubab, “Ngan sa wan, A Trai; wat buhrieh ïa lade na nga!”

SALM 69:33

U Trai u shahshkor ïa kito kiba kyrduh bad um klet noh ïa ki briew jong u kiba hapoh ka ïingbyndi.

EKSODOS 22:6

“Lada u briew u wiang ding ha lyngkha bad ka ding ka pur sha ka lyngkha jong uwei pat bad ka pynduh ïa u kew uba dang ïeng, ne ïa uba la ot bad la lum thup, uta uba wiang ding un hap siew ïa kaba la duh baroh.

ISAÏAH 1:31

Kumba u skum u kem ding da i phylliah ding, kumta ïa ki rangbah badonbor yn pynjot da ki kam sniew jong ki hi, bad ym don mano mano ba lah ban pynsangeh ïa ka jingpynjot.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 55:6

To phai sha U Trai bad duwai ha u, mynta ba u don hajan.

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 37:19

to ïathuh ha ki, ba ma nga, U Trai Nongsynshar, ngan shim ïa u lyngkhot dieng uba ïeng na ka bynta ka Israel, bad ngan buh lang ïa u bad uta uba ïeng na ka bynta ka Judah. Na kita ar tylli ngan pynlong uwei u dieng, bad ngan bat ïa u ha ka kti jong nga.

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 5:14

Pynlong ïa ka jingthmu jong phi ban leh ïa kaei kaba bha, bad ym ïa kaei kaba sniew, khnang ba phin ïoh im. Te U Trai, U Blei Badonbor Baroh, da shisha un don ryngkat bad phi, kumba phi kam ba u long.

AMOS 5:4

U Trai u ong kumne ha ki paid Israel, “Wan sha nga, bad phin ïoh im.

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

DEUTERONOMI 4:24

namar U Trai U Blei jong phi u long kum ka ding kaba bam duh; um lah shah ba ki Israel kin mane ïa kiwei pat ki blei.

JOSHUA 18:5

Ïa ka ri yn pynbynta mar katjuh ha ki hynñiew bynta; ka jait Judah kan sah ha la ka jaka shaphang shathie, bad ka jait Joseph ha la ka jaka shaphang shatei.