AMOS 5:5 - Khasi CL Bible (BSI)

⁵ Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

KA BAIBL

⁵ hynrei, wat wad ïa ka Bethel, lymne wat rung sha Gilgal, wat leit ruh sha Beer-sheba: naba da shisha ka Gilgal kan leit long mraw, bad ka Bethel kan duh ei noh.”

AMOS 5:5 ပူးပေါင်းရင်းမြစ်များ

JENESIS 21:31

Bad kumta ïa kata ka jaka la khot ka Beersheba, namar dei hangta ba baroh ar ngut ki la pynlong ka jingsmai.

JENESIS 21:33

Te U Abraham u la thung uwei u dieng Tamarisk ha Beersheba bad u la mane ïa U Trai, U Blei Bymjukut.

JENESIS 26:23

U Isaak u mihnoh nangta bad u leit sha Beersheba.

JENESIS 26:33

U la khot kyrteng ïa kata ka pukri “Ka Jingsmai.” Dei kumta ba ka shnong Beersheba ka la ïoh ïa la ka kyrteng.

1 SYIEM 12:28

Hadien ba u la pyrkhat bha, u shna ar tylli ki khun masi kiba da ka ksiar bad u ong ha ki briew jong u, “Phi la hap ïaleit mane jngai palat shaduh Jerusalem. Ko ki paid Israel, khmih kine ki blei kiba la wanlam ïa phi na ka ri Ijipt!”

1 SYIEM 12:29

U buh ïa uwei u khun masi ksiar ha Bethel bad ïa uwei pat ha Dan.

2 SYIEM 23:8

U wallam sha Jerusalem ïa ki lyngdoh kiba ju don ha ki nongbah ka Judah, bad ha kylleng jong ka ri u la ñiewsang ïa ki duwan ha kiba ki ju ai jingkñia. U la pyntwa ruh ïa ki duwan ba la pynkyntang sha ki ksuid-durblang hajan ka khyrdop ba la tei da u Joshua, u lat ka nongbah, kiba don sha kadiang jong ka khyrdop bah kaba ki ju rung sha ka nongbah.

Ka Kitab U Job 8:22

hynrei un wanrah jingjahburom ïa kito kiba isih ïa me, bad ki ïing ki riewbymman kin jah noh.”

SALM 33:10

U Trai u pyndiaw ïa ki jingthmu ki jaitbynriew; um shah ïa ki ban pyntreikam ïa ki jingthmu jong ki.

ISAÏAH 29:20

Kan sa long kaba kut ïa kito kiba banbeiñ ïa kiwei bad kiba pyn-i jingñiewbeiñ ïa U Blei. Ïa uwei pa uwei u nongpop yn pynjot.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 48:13

Nangta ki nong Moab kin ym sngewbha ïa u blei Khemosh jong ki, kumba ki Israel kim sngewbha ïa u blei Bethel ha uba ki shaniah.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

AMOS 1:5

Ngan pynkheiñ ïa ki khyrdop nongbah ka Damaskos, bad ngan weng ïa ki nongshong shnong jong ka Them Aben, bad ïa u nongsynshar ka Betheden. Ki briew ka Syria kin shah ring kum ki koidi sha ri Kir.”

AMOS 3:14

“Ha ka sngi ba nga pynshitom ïa ki paid Israel na ka bynta ki pop jong ki, ngan pynjot ïa ki duwan ka Bethel. Ïa ki dong jong kawei pa kawei ka duwan yn pom noh bad kin hap ha madan.

AMOS 4:4

U Trai Nongsynshar u ong, “Ko ki paid Israel, khie leit sha ka jaka bakhuid ka Bethel bad leh pop, lada phi hap ban leh kumta! Khie leit sha Gilgal bad to leh pop da ka jingkhlaiñbor jong phi baroh! Ïaid shaphrang bad wallam ïa ki mrad ban kñia na ka step sha ka step, bad wallam ïa kawei-na-kaba-shiphew jong phi man la ka sngi kaba lai.

AMOS 7:10

Amasaïah, u lyngdoh ka Bethel, u la phah ka khubor sha u Jeroboam u syiem ka Israel: “U Amos u la ïasylla pyrshah ïa phi hapdeng ki briew. Ki jingkren jong u kin pynjot ïa ka ri.

AMOS 7:13

Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

1 KORINTH 1:28

U la jied ïa kaei kaba ka pyrthei ka ñiew poh bad ibeiñ, bad ka pyrkhat ba kam long ei ei, khnang ban pynjot ïa kaei kaba ka pyrthei ka pyrkhat ba ka long kaba donkam.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

DEUTERONOMI 28:41

Phin ïoh ki khun shynrang bad kynthei, hynrei phin duh ïa ki, naba yn rong noh ïa ki kum ki koidi thma.

JOSHUA 5:9

U Trai u ong ha u Joshua, “Ha kane ka sngi nga la weng noh na phi ïa ka jingjahburom ka jinglongmraw ha Ijipt.” Namar kata la khot kyrteng ïa ka jaka, ka Gilgal, ka kyrteng kaba ka dang don.

JINGPYNPAW 18:17

Bad ha ka shi kynta ka la duh lut ïa kane ka spah!” Baroh ki kapten jong ki liengbah bad ki nongshong lieng, ki maji bad baroh kiwei pat kiba la ïoh kamai na ka duriaw, ki la ïeng na sha jngai bah,

1 SAMUEL 11:14

Bad u Samuel u ong ha ki, “Ïa ngin ïaleit baroh sha Gilgal, bad sa shisien ngin pynbna ïa u Saul kum u syiem jong ngi.”

1 SAMUEL 7:16

Man ka snem u ju leit sha Bethel, sha Gilgal, bad sha Mispah, bad ha kine ki jaka u pynbeit ïa ki jingïakajia.

1 SAMUEL 8:2

U khun uba kham heh u kyrteng u Joel bad uba kham rit, u Abijah; kine ki long ki nongbishar ha Beersheba.