AMOS 5:4 - Khasi CL Bible (BSI)

⁴ U Trai u ong kumne ha ki paid Israel, “Wan sha nga, bad phin ïoh im.

KA BAIBL

⁴ Naba kumne u ong U Trai ha ka ïing Israel, “To wad phi ïa nga, te phin im:

AMOS 5:4 ပူးပေါင်းရင်းမြစ်များ

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

2 KHRONIKL 20:4

Na kawei pat kawei ka nongbah jong ka Judah ki briew ki leit kloi kloi sha Jerusalem ban pan na U Trai ïa ka jingïalam,

2 KHRONIKL 34:3

Ha ka snem kaba phra ba u Josaïah u long syiem, haba u dang khynnah bha, u sdang ban mane ïa U Blei jong u syiem Dabid u kpa tymmen jong u. Saw snem hadien u sdang ban pynjot ïa ki jaka mane blei thala, ki dur jong ka blei Asherah, bad baroh kiwei de ki bleithaw.

SALM 14:2

U Trai u jngoh na bneng ïa u khunbynriew ban ïohi lada dang don mano mano bastad, bad ba mane ïa U.

SALM 22:26

Kiba duk kin bam katba ki lah; kito kiba wan sha U Trai kin ïaroh ïa u. Ai kin manbha junom!

SALM 27:8

Haba me ong, “Wan bad mane ïa nga,” nga jubab, “Ngan sa wan, A Trai; wat buhrieh ïa lade na nga!”

SALM 69:32

Haba kiba shah banbeiñ ki ïohi ïa kane, kin shadkmen; ïa kito kiba mane ïa U Blei yn pynshlur.

SALM 69:33

U Trai u shahshkor ïa kito kiba kyrduh bad um klet noh ïa ki briew jong u kiba hapoh ka ïingbyndi.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

ESEKIEL 18:9

Uba kum une u briew u kohnguh ïa ki hukum jong nga bad u sumar biang biang ïa ki aiñ jong nga. U long uba hok, bad un im,” ong U Trai Nongsynshar.

HOSIA 10:12

Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MATHAÏOS 7:8

Naba uno uno baroh uba pan un ïohpdiang, bad uno uno uba wad un shem, bad ka jingkhang kan plie ïa uta uba tied.

DEUTERONOMI 32:46

u ong, “Sumar bha ban kohnguh ïa kine ki hukum baroh kiba nga la ai ha phi mynta ka sngi. Ïathuh ïa ki ha ki khun ki kti jong phi, ba ki ruh kin ïai kohnguh ïa baroh ki jinghikai jong U Blei.

DEUTERONOMI 32:47

Kine ki jinghikai kim long ki ktien thylli; ki long ka jingim jong phi hi. Kohnguh ïa ki, te phin sa im slem ha kata ka ri sha shiliang ka Jordan ïa kaba phin sa ïohkynti.”

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.