AMOS 5:27 - Khasi CL Bible (BSI)

²⁷ haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

KA BAIBL

²⁷ Namar kata, ngan ïalam mraw ïa phi sha lyndet ka Damaskos,” ong U Trai, uba ka kyrteng jong u, “U Blei ki paid”.

AMOS 5:27 ပူးပေါင်းရင်းမြစ်များ

1 SYIEM 14:15

U Trai un pynshitom ïa ki Israel, bad kan khynñiuh kumba pynkhih ïa u khah ha ka wahduid. Un rat dyngkhong ïa ki paid Israel na kane ka ri kaba bha kaba u la ai ha ki kpa tymmen jong ki, bad un pynsakma ïa ki sha lyndet ka wah Ïuphratis, namar ba ki la pynbitar lep ïa u da kaba thaw ïa ki bleithaw jong ka blei Asherah.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

JEREMAÏAH 38:17

Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

AMOS 5:26

Hynrei mynta, namar ba phi la mane ïa ki durblei jong u Sakkuth, u blei syiem jong phi, bad ïa u Kaiwan, u blei khlur jong phi, phin hap ban kit ïa kito ki durblei

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

AMOS 6:7

Kumta phin long kiba nyngkong ban leit sha ka jinglongmraw. Ki jingkhawai bad ki jingïadih ïabam sngewbha jong phi kin kut noh.

KI KAM 7:43

Ka la long ka ïingjaiñ jong u blei Molekh uba phi la bah, bad ka dur jong u Rephan, u blei khlur jong phi; ki la long ki bleithaw kiba phi la thaw ïa ka ban mane. Bad kumta ngan phah ïa phi sha ka jinglongmraw sha palat ka Babilon.’