AMOS 5:24 - Khasi CL Bible (BSI)

²⁴ Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

KA BAIBL

²⁴ Hynrei, to ai ba ka jingbishar kan tuid kum ki um, bad ka hok kum ka wah kaba shlei.

AMOS 5:24 ပူးပေါင်းရင်းမြစ်များ

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

AMOS 5:23

Keiñ noh kaba rwai da ka sur bajam; ngam kwah ban sngap ïa ki duitara jong phi.

AMOS 5:7

Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.