AMOS 5:17 - Khasi CL Bible (BSI)

¹⁷ Yn don ka jinglynñiar ha ki bri sohwaiñ baroh. Baroh kane kan jia namar ba nga wan ban pynshitom ïa phi.” U Trai u la kren.

KA BAIBL

¹⁷ Bad ha ki brisoh Waiñ baroh kan long ka jingïam: naba ngan ïaid lyngba napdeng jong me,” ong U Trai.

AMOS 5:17 ပူးပေါင်းရင်းမြစ်များ

EKSODOS 11:4

Te u Moses u ong ha u Pharaoh, “U Trai U ong, ‘Ha ka por shiteng synñia ngan ïaid lyngba ïa ka Ijipt,

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 12:23

Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

ISAÏAH 16:10

Ym don mano mano bakmen mynta ha ki lyngkha baseisoh. Ym don mano mano ba pyrta jam lane rwai ha ki bri sohwaiñ. Ym don ba ïuh ïa ki sohwaiñ ban shna waiñ; ki jingpyrta jam jong ka jingkmen ki la kut.

JEREMAÏAH 48:33

Ïa ka jingsngewbha bad ka jingkmen la shim noh na ki jaka baseisoh jong ka Moab. Nga la pynlong ïa ka waiñ ban sangeh ban tuid na ki jaka khñiot waiñ; ym don shuh mano mano ba shna ïa ka waiñ bad ban pyrta da ka jingkmen.

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

NAHUM 1:12

Kane ka long kaei kaba U Trai u ong ha ki briew jong u ki Israel: “Wat la ki nong Assyria ki khlaiñ bad ki kham bun paid, ïa ki yn pynjot thiaw bad kin jah noh. Ko ki briew jong nga, nga la pynlong ïa phi ban shahshitom, hynrei ngan ym leh shuh ïa ka.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

SEKHARAÏAH 9:8

Ngan ap phira ïa ka ri jong nga bad ngan ym shah ïa ki kynhun shipai ban ïaid lyngba jong ka. Ngan ym shah shuh ïa ki nongbanbor ban banbeiñ ïa ki briew jong nga. Nga la ïohi haduh katno ki briew jong nga ki la shahshitom.”