AMOS 5:16 - Khasi CL Bible (BSI)

¹⁶ Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

KA BAIBL

¹⁶ Namar kata, kumne u ong U Trai, U Blei ki paid, U Trai keiñ: “Kan long ka jingïam ha ki lynti bah baroh; bad kin ïa-ong ha ki lynti shnong baroh, ‘Waw! waw!’ Bad kin khot ïa u nongrep ban ïambriew, bad ïa kita kiba nang ïambriew ban ïam.

AMOS 5:16 ပူးပေါင်းရင်းမြစ်များ

2 KHRONIKL 35:25

U Jeremaïah u nongïathuhlypa u thaw ïa ka jingrwai pangnud ïa u syiem Josaïah. Ka long ka rukom ha Israel na ka bynta ki nongrwai, kynthei bad shynrang, ban rwai ïa kane ka jingrwai haba ki ïambriew namar jong u. La shem ïa kane ka jingrwai ha ki jingrwai pangnud ba la lumlang.

ISAÏAH 15:8

Ha kylleng ki pud jong ka Moab la ïohsngew ïa ka jingkyang. La ïohsngew ha ki shnong jong ka Eglaim bad Beerelim.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JEREMAÏAH 30:5

“Nga la ïohsngew ka jinglynñiar ka jingsngewtriem, ka jinglynñiar ka jingtieng bad ym ka jingsuk.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:16

Ngan pynsakma ïa ki hapdeng ki jaitbynriew kiba ma ki lymne ki kpa tymmen jong ki, ki la ïohsngew, bad ngan phah ki kynhun shipai pyrshah ïa ki tad haduh ba ngan da pynjot khoit ïa ki.”

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

JOEL 1:14

To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 1:8

To ïam, phi ki briew, kum ka samla kaba ïambriew ïa ka jingïap jong u briew uba kan sa shongkurim.

AMOS 3:13

“To shahshkor mynta, bad maham ïa ki khun ki ksiew u Jakob,” ong U Trai Nongsynshar Badonbor Baroh,

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

MIKAH 1:8

Nangta u Mikah u la ong, “Namar kane ngan ïambriew bad ïam sngewsih. Ban pynpaw ïa ka jingsngewsih jong nga, ngan ïaid da ka kjat suda bad khlem jaiñkup. Ngan jlew kum u myrsiang, bad ngan ud kum ka ostrit.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

JINGPYNPAW 18:19

Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”