AMOS 5:14 - Khasi CL Bible (BSI)

¹⁴ Pynlong ïa ka jingthmu jong phi ban leh ïa kaei kaba bha, bad ym ïa kaei kaba sniew, khnang ba phin ïoh im. Te U Trai, U Blei Badonbor Baroh, da shisha un don ryngkat bad phi, kumba phi kam ba u long.

KA BAIBL

¹⁴ To wad ïa ka babha, te ym ïa ka basniew, ba phin ïoh im: te kumta U Trai, U Blei ki paid, un long lem bad phi, kumba phi ong.

AMOS 5:14 ပူးပေါင်းရင်းမြစ်များ

JENESIS 39:23

U nongap byndi um donkam ban khmih ei ei shuh ïa kaba u Joseph u la shim jingkitkhlieh, namar U Trai u la don ryngkat lem bad u Joseph bad u la pynmanbha ha kaei kaei kaba u leh.

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

PROBERB 11:27

Lada ki jingthmu jong phi ki long kiba bha, yn ñiewkor ïa phi, hynrei lada phi wad ïa ka jingjynjar, kata ka long kaei kaba phin ïoh.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

AMOS 3:3

Hato ar ngut ki briew ki ju sdang ïaleit jingleit lang khlem da pynkhreh ban ïakynduh?

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”