AMOS 5:12 - Khasi CL Bible (BSI)

¹² Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

KA BAIBL

¹² Naba nga tip kiba bun syrtap katno ki long ki jingryngkang jong phi bad katno kiba jur ki long ki pop jong phi; phi kiba pynjynjar ïa ki bahok, kiba bamsap, bad kiba ñiat noh ha ka khyrdop ïa ki bakyrduh na la ka hok.

AMOS 5:12 ပူးပေါင်းရင်းမြစ်များ

Ka Kitab U Job 20:19

namar u la banbeiñ bad leh bymsuidñiew ïa kiba duk bad ba u knieh noh ïa ki ïing kiba kiwei ki la thaw,

Ka Kitab U Job 31:21

Lada nga la kum shukor ïa u khunswet, da kaba tip ba ngan ksan ha khmat ka ïingbishar,

SALM 127:5

Suk uta u briew uba don shibun kum kita ki khnam. Un ym shah rem haba u ïakynduh bad ki nongshun jong u ha ka jaka jong ka jingbishar.

EKSODOS 23:3

Wat leh shiliang khmat ïa uba duk haba bishar ïa u.

EKSODOS 23:6

“Wat pynduh ïa ka jingbishar hok ïa uba duk haba u wan ha ka ïingbishar.

PROBERB 17:8

Don ki briew kiba pyrkhat ba kaba pynbam sap ka treikam kum ka myntor; ki ngeit ba ka lah ban leh lut ïa kiei kiei.

PROBERB 22:22

Wat shim kabu ïa kiba duk tang namar ba phi lah; wat shim kabu ïa kito kiba ïeng khlem jingïarap ha ka ïingbishar.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 10:2

Kata ka long kumno ba phi khang ïa kiba duk na kaba ïohpdiang ïa ki hok jong ki bad na kaba ïohpdiang ïa ka jingbishar hok. Kata ka long kumno ba phi knieh ïa ka jingdon jingem kaba dei jong ki riewkynthei bad ki khunswet.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 47:9

Hynrei ha ka shikhyllipmat, tang ha kawei ka sngi, kine baroh ar tylli kiei kiei ki wan jia. Wat hapdeng ki kam myntor baroh ba pha pyndonkam, phan duh noh ïa la u tnga bad ïa la ki khun.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

SNGEWSYNEI 3:34

U Trai u tip mynno ki mynsiem jong ngi ki shah pynlwet ha ka byndi;

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

HOSIA 5:3

Nga tip ka Israel ka long kumno — kam lah ban rieh na nga. Ka la long ka bymïaineh, bad ki briew jong ka kim long kiba bit ban mane ïa nga.”

AMOS 2:16

Ha kata ka sngi wat ki shipai bashlur tam kin pynhap ïa la ki tiar ïapom bad kin mareh.” U Trai u la kren.

AMOS 2:3

Ngan pynïap ïa u nongsynshar ka Moab bad ïa ki nongïalam baroh jong ka ri.”

AMOS 5:10

Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

AMOS 5:7

Phi long kiba la tim, phi kiba pynkyllaiñ ïa ka jingbishar hok bad kiba shukor ïa ki briew ban pynduh ïa ki hok jong ki!

AMOS 8:4

To shahshkor ïa kane, phi kiba ïuhroit ïa kiba kyrduh bad kiba pyrshang ban pynjot ïa kiba duk ha ka ri.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.

DEUTERONOMI 31:21

bad shibun ki jingjynjar kiba ishyrkhei kin wan ngat ha ki. Hynrei ïa kane ka jingrwai yn dang ïai rwai, bad ka kan ïeng kum ka sakhi pyrshah ïa ki. Wat mynta hi, shuwa ba ngan ïalam ïa ki sha kata ka ri ba nga la kular ban ai ha ki, nga tip aïu ki pyrkhat.”

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JAKOB 5:6

Phi la pynrem bad phi la pynïap ïa ki briew kiba lui lui, bad kim shym pyneh ïa phi.

RUTH 4:1

U Boas u leit sha ka jaka ïakynduh lang ha ka khyrdop shnong bad u shong hangta. Nangta u kur uba ïajan eh jong u Elimelekh, u briew uba u Boas u la ïathuh, u la wan ïaid nangta, bad u Boas u khot ïa u, “Ko paralok, wan ban shong hangne.” Kumta u la leit ban shong hangta.

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.